विजेची छुपी दरवाढ थांबवावी

या महिन्यात आलेल्या महाराष्ट्र राज्य विद्युत वितरण कंपनीच्या देयकाचे बारकाईने वाचन केल्यास बिलात या महिन्यापासून नवीन एका आकाराची भर टाकली आहे. त्या नवीन आकाराचे नाव आहे, वहन आकार १.१८ रुपये-यू. म्हणजेच मागील बिलाच्या एकूण ३५ ते ४० टक्क्यांनी वीजबिलात वाढ झालेली आहे. वीज वितरण कंपनीने अचानक एक आकार वाढवून सामान्य वीजग्राहकांना नवीन भेटच दिलेली आहे. याविरोधात कोणी आवाज उठवेल काय? वीज वितरण कंपनीच्या ग्राहकांनो, ही अचानक केलेली वाढ आपणास परवडणारी आहे का? विचार करा. याविरोधात आवाज उठवला नाही, तर ठराविक अंतराने नवीन आकारात भरच पडणार आहे. सर्वांना ही झालेली वाढ माहीत नाही. वीजबिले बारकाईने वाचणाऱ्यांची संख्या खूपच कमी आहे. दुर्दैव हेच, की कोणीही याविरोधात आवाज उठवत नाही.

- नितीन धानापुणे