गोदेचे आश्वासक रूप

कुंभमेळानंतर प्रथमच परवाच्या धुवाँधार पावसाने गोदावरी दुथडी भरून वाहताना बघून मन आनंदले. उसळत घुसळत चोहो दिशांनी पाणी दूरवर पसरले. मंदिर धर्मशाळा बाजारपेठ सभोतालचा परिसर गोदेने कवेत घेतला. त्यापूर्वीचे पाण्याविना कोरडेठक पडलेल्या, गटार गंगेचे अवकळा आलेल्या गोदातटाचे चैतन्यहीन उदासवाणे चित्र क्षणार्धात नाहीसे झाले. गोदेचे हे आश्वासक रूप पाण्याला जीवन का म्हणतात, ते सांगून गेले. - विजय भदाणे