शहरात सध्या वाहने जास्त वाढल्याने सतत वाहतूक कोंडीची समस्या प्रकर्षाने भेडसावत असते. रस्ते छोटे आणि वाहने जास्त अशी परिस्थिती झाल्याने अनेक ठिकाणी पार्किंग झोन व फलक बोर्ड असुनही दुसरा पर्याय नसल्याने वाहनधारक कुठेही वाहन लावून आपल्या कामांस निघून जातात. परतल्यावर आपले वाहन न दिसता मग टोईंग कर्मचाऱ्यांशी परिणामी वाद होतात शिवाय आपलेच वाहन सोडवताना भुर्दंड सोसावा लागतो तो वेगळाच. पार्किंगसाठी जागा कमी असल्याने पार्किंग समस्या झपाट्याने वाढत आहे. याचबरोबर वाहनधारक कुठेही व कशीही वाहने लावून नियम मोडतात. पार्किंग सुविधा व्यवस्था सोयिस्कर व्हावी यासाठी उपाययोजना म्हणून अंडरग्राऊंड पार्किंग योग्य करावी तरच पार्किंगचा प्रश्न थोडातरी सुटेल. स्नेहा शिंपी
आधी पार्किंग द्या
महाराष्ट्र टाइम्स.कॉम 16 Apr 2019, 5:45 am