कोरोनाच्या प्रादुर्भावामुळे सध्या नाशिक जिल्हा व शहर रेड झोन मध्ये आहे .लॉकडाउन चा चौथा टप्पा सुरू आहे. रेड झोन असूनही हळूहळू नियमावली शिथिल होत आहे. परंतु शहरात अत्यंत चांगले खेळाडु असून त्यांना खेळण्यासाठी स्टेडियम बंदच आहे .तरी सोशल डिस्टनसिंग पाळून ,खेळाचे साहित्य ,खेळाची जागा सॅनिटीझ करून घ्याव्या . तसेच हातावर निर्जंतुकिरनासारखे स्प्रे मारून,बेसिन मध्ये हँडवाश ठेवुन खेळ सुरू करायला सुरुवात करावी . तसेच आधी इनडोअर गेम्स म्हणजेच बॅडमिंटन ,टेबल टेनिस सारखे खेळ सुरू करावे . आणि त्याचा प्रतिसाद पाहून आऊटडोअर खेळ सुरू करावे. परंतु हे सगळे करतांना शासनाने दिलेल्या नियमाचे काटेकोरपणे पालन होत आहे ना या कडेच प्राथमिकता असावी. कोणाही खेळाडूसाठी नियमावली बनवावी व ते त्याचे पालन करतील अशी हमी त्याच्याकडून घ्यावी. म्हणजे नंतर वादाचे प्रसंग येणार नाही.आणी त्या खेळाडूंना देखील आपल्या जबाबदारीची जाणीव राहील .महत्त्वाचे म्हणजे खेळाडूसाठी सराव होणे गरजेचे. लॉकडाऊन संपल्यावर अनेक स्पर्धा सुरू होतील परंतु त्यासाठी त्या त्या खेळातील स्पर्धक तयार होतील. सध्या काहीच काम नसल्यामुळे सरावासाठी जास्तीत जास्त वेळही देता येईल .तरी महापालिकेने व संबंधित यंत्रणेने वरील विषयाकडे योग्य तो विचार करावा.
नाशिक शहरातील स्टेडियम बंद झाले बाबत
महाराष्ट्र टाइम्स.कॉम 27 May 2020, 5:30 am