मोकाट कुत्र्यांचा सुळसुळाट कायमच

शहरात मोकाट कुत्र्यांचा जास्तच सुळसुळाट झालेला दिसतोय. भटक्या व मोकाट कुत्र्यांनी लहान मुलांना चावा घेतल्याच्या घटना अनेक वेळा व बऱ्याच ठिकाणी घडलेल्या आहेत. पण, अद्याप त्यावर काहीच तोडगा निघाला नाही, हे दुर्दैव. कचराकुंडीवर झालेल्या उकीरड्यामुळे व अनेक पटींनी वाढलेल्या चायनीज, तसेच इतर खाद्यपदार्थांच्या गाड्यांमुळे सध्या कुत्र्यांची खाली पडलेले अन्न खाण्यासाठी झुंबड उडताना दिसते. अशा ठिकाणी अनेकांना कुत्र्यांनी चावा घेतल्याच्या घटनाही घडतात. यावर त्वरित तोडगा काढणे आवश्यक आहे. मोकाट कुत्र्याच्या दंशाने आरोग्यावर विपरित परिणाम होऊ शकतो म्हणून यावर अंमलबजावणी हवी.


- स्नेहा शिंपी