रविवार पेठेत कचऱ्याची समस्या

रविवार पेठेतून अशोक स्तंभाकडे जाणाऱ्या रोडकडील घनकर लेनमधील पिण्याच्या पाण्याच्या टाकीखाली मोठ्या प्रमाणात कचऱ्याचे साम्राज्य पसरले आहे. विशेष म्हणजे महापालिकेच्या वतीने ‘येथे कचरा व घाण टाकू नये, टाकल्यास दंडात्मक कारवाई केली जाईल’ असा फलक लावण्यात आलेला आहे. मात्र, तरीसुद्धा येथे सर्रासपणे उघड्या रस्त्यावरच कचरा टाकला जातो. त्यामुळे येथे मोठ्या प्रमाणात घाण होते, तसेच या भागात मोकाट जनावरे, कुत्र्यांचा कायम वावर असतो. जवळच शाळा व क्लासेस असल्याने येथे शालेय व कॉलेजच्या विद्यार्थ्यांची मोठी वर्दळ असते. शहरातील मुख्य बाजारपेठ येथे जवळच असल्यानेही येथे नेहमी रहदारी असते. मात्र, येथील कचऱ्याच्या दुर्गंधीमुळे परिसरातील नागरिकांना, तसेच या रोडवरून ये-जा करण्याऱ्या नागरिकांना त्रास होतो. अशी परिस्थिती असेल, तर कसे म्हणाल सुंदर नाशिक हरित नाशिक?

-जगदीश बोडके