व्यावहारिक निर्णय घ्यावाकाँक्रिटचे रस्ते खर्चिक वाटले तरी ते डांबरी रस्त्यांपेक्षा सर्वप्रकारच्या वातावरणात चौपट टिकतात आणि तुलनेने देखभाल खर्चही कमी असतो. डांबर आयात पेट्रोलियम पदार्थापासून बनते तर काँक्रीटचे सिमेंट भरपूर प्रमाणात देशांतर्गत उपलब्ध असलेल्या चुनखडीपासून बनते. ह्या कारणांमुळे सर्व रस्त्यांचे काँक्रिटीकरण झाले. शहराच्या सुनियोजित परिसरातील अंतर्गत रस्त्यांवर बदल अपेक्षित नसतील तर खर्चिक काँक्रिटचे रस्ते करायला हरकत नाही. पण जुन्या पेठांमध्ये, अरुंद रस्त्यांवर आणि अनधिकृत बांधकामांनी वेढलेल्या परिसरात भविष्यात कराव्या लागणाऱ्या ड्रेनेज आणि इतर कामांमुळे वारंवार होणारे बदल लक्षात घेता, तेथे वारंवार दुरुस्त करता येतील असे स्वस्त डांबरी रस्तेच करावेत. मोहन ओक
व्यावहारिक निर्णय घ्यावा
महाराष्ट्र टाइम्स.कॉम 10 May 2019, 5:43 am