प्लॉट क्रमांक दर्शविणारे फलक लावा

कामोठे : कामोठेमध्ये मुख्य रस्त्यांवर आवश्यक ठिकाणी सेक्टर क्रमांक दर्शविणारे फलक आहेत. मात्र प्लॉट क्रमांक दर्शविणारे फलक सेक्टर २१मध्ये नाहीत. सेक्टर २१ मधील बऱ्याच प्लॉटचे क्रम हे अनुक्रमाने येत नाहीत. म्हणजे प्लॉट क्रमांक ८६ वरील इमारत प्लॉट क्रमांक ५८ वरील इमारतीच्या बाजूला आहे. प्लॉट क्रमांक २२७ वरील इमारत प्लॉट क्रमांक २०३ वरील इमारतीजवळ आहे. अशा परिस्थितीत बाहेरील लोकांना पत्ता शोधण्यात अडचणी येतातच, परंतु येथील बरेचसे रहिवासीही सेक्टर २१ मधील कुठला प्लॉट कुठे आहे, याबद्दल अनभिज्ञ आहेत.

- रविकांत तावडे