मोबाइल चार्जर देण्यासाठी गेलेल्या तरुणीवर अत्याचार; नग्न फोटो काढून धमकावले

म. टा. प्रतिनिधी, औरंगाबाद मोबाइल चार्जर देण्यासाठी गेलेल्या एका २१ वर्षीय तरुणीला चाकूचा धाक दाखवून अत्याचार केला. त्यानंतर तिचे नग्न फोटो काढून ते व्हायरल करण्याची व कुटुंबियांना ठार मारण्याची धमकी देत तिच्यावर वारंवार अत्याचार करणाऱ्या नराधमाला सिडको पोलिसांनी तब्बल चार महिन्यांनी गुरुवारी सकाळी अटक केली.

शिवाजी आनंद चौधरी (वय ३६, रा. जायगाव, ता. नायगाव, जि. नांदेड, ह. मु. शिवाजीनगर, शेंद्रा) असे आरोपीचे नाव आहे. प्रकरणात नांदेड जिल्ह्यात राहणाऱ्या २१ वर्षीय पीडितेने दिलेल्या माहितीनुसार पीडिता ही सिडको, एन-६ भागात किरायाच्या खोलीत राहत असताना, १२ मे २०१८ रोजी आरोपी शिवाजी चौधरी हा पीडितेच्या बहिणीला मुळगावाहून घेऊन पीडितेच्या घरी आला होता. १३ मे २०१८ रोजी तरुणी तिच्या बहिणीसोबत गच्चीवर झोपलेली असताना रात्री साडेबाराच्या सुमारास शिवाजीने तिच्याकडे मोबाइल चार्जरची मागणी केली. त्यामुळे तरुणी चार्जर देण्यासाठी घरात आली. त्यावेळी शिवाजीने तिला चाकूचा धाक दाखवून अत्याचार केला. त्यानंतर तिचे नग्न फोटो काढून ते व्हायरल करण्याची धमकी दिली.

याशिवाय कुटुंबियांना संपविण्याचे धमकावत त्याने वारंवार तिच्यावर अत्याचार केला. तसेच मोबाइलवर चॅटींग व तिचे नग्न फोटो पाठविण्यास भाग पाडले. याप्रकरणी सुरुवातीला मुखेड पोलिस ठाण्यात गुन्हा दाखल करण्यात आला. त्यानंतर हे प्रकरण सिडको पोलिस ठाण्याकडे वर्ग करण्यात आले आहे. या प्रकरणात सिडको पोलिसांनी आरोपी शिवाजी आनंद चौधरी याला ताब्यात घेण्यात आले आहे.

मुंबई: क्लीनअप मार्शलला तिघींची मारहाण; डोक्यात पेव्हर ब्लॉक घातला

रेखा जरे हत्या प्रकरणात मोठा खुलासा; पत्रकारानेच सुपारी देऊन घडवून आणली हत्या

Sangli : रेशनचा काळाबाजार; २० टन तांदूळ वाहून नेणारा ट्रक पकडला