महिला टुरिस्ट गाइडवर फाईव्ह स्टार हॉटेलमध्ये सामूहिक बलात्कार

नवी दिल्ली: दिल्लीत संतापजनक घटना घडली आहे. येथील एका फाईव्ह स्टार हॉटेलमध्ये २७ वर्षीय महिला टुरिस्ट गाइडवर सामूहिक बलात्कार झाल्याची घटना उघडकीस आली आहे. कर्ज देण्याच्या बहाण्याने आरोपींनी तिला रात्री हॉटेलमध्ये बोलावले होते.

पीडित महिलेने दिलेल्या तक्रारीनुसार, शुक्रवारी रात्री आरोपींनी कर्ज देण्यासाठी बोलावले. त्यांच्याकडून कर्जाचा दुसरा हप्ता घ्यायचा होता. पोलिसांनी सांगितले की, पीडित महिला ही टुरिस्ट गाइड आणि तिकीट बुकिंग एजंट आहे. तर आरोपी मनोज शर्मा हा मालवीय नगरचा रहिवासी आहे. पोलिसांनी मनोजला अटक केली आहे. तर अन्य आरोपींचा शोध घेण्यात येत आहे. शर्मा हा ठेकेदार असून, त्याने महिलेवर बलात्कार केल्यानंतर तिला घरी सोडले होते.

पोलिसांनी सांगितले की, कर्जाचे प्रलोभन दाखवून हॉटेलला बोलावले होते, असा आरोप महिलेने केला आहे. स्वस्त दराने कर्ज देणार असल्याचे आरोपींनी सांगितले होते. तिला रात्री साडेनऊच्या सुमारास हॉटेलच्या जवळ बोलावले होते. त्यानंतर पैसे देण्याच्या बहाण्याने तिला हॉटेलच्या खोलीत नेले. तिथे आळीपाळीने रात्री एक वाजेपर्यंत बलात्कार केला. प्रतिकार केला असता, जीवे मारण्याची धमकी दिली, तसेच मारहाणही केली असा आरोप महिलेने केला आहे. या प्रकरणी तिने शनिवारी पोलिसांत तक्रार दाखल केली.

पिंपरी: तरुणीचा पोलीस ठाण्यातच विष पिण्याचा प्रयत्न, केला 'हा' आरोप

अनैतिक संबंधांत अडथळा; पत्नीनेच रचला होता पतीच्या हत्येचा कट

करोनामुळे पतीचा मृत्यू, विरह सहन न झाल्याने पत्नीची आत्महत्या, २ मुलं झाली पोरकी

शेतावर गेलेल्या अल्पवयीन मुलीवर सामूहिक बलात्कार