म. टा. वृत्तसेवा, त्र्यंबकेश्वर
येथील स्टेट बँक ऑफ इंडियाच्या त्र्यंबकेश्वर शाखेत शुक्रवारच्या रात्रीला अज्ञात चोरट्यांनी इमारतीचे शटर तोडून आत घुसले. मात्र, रोकड हाती न लागल्याने त्यांनी कामकाजाचे तीन संगणक चोरून नेले आहे. यासोबतच सीसीटीव्ही कॅमेऱ्याचे रेकॉर्ड मशीन (डिव्हीडीआर) देखील सोबत घेऊन गेले आहेत. त्यापैकी कर्मचारी वापरत असलेल्या दरवाजाचे शटर कुलपासह तोडले आहे.
शुक्रवारी रात्री सव्वा आठ वाजेच्या सुमारास कर्मचाऱ्याने हे शटर बंद केले आणि तो घरी गेला. त्यानंतर शनिवारी सकाळी नेहमीप्रमाणे सकाळी साडेआठ वाजता तो बँक उघडण्यासाठी आला असता त्यास कुलूप तोडलेले आढळले. परिस्थितीचे गांभीर्य लक्षात घेत त्याने शाखाधिकारी यांना दूरध्वनीने कळविल्यानंतर पोलिसांनी पाहणी केली. नाशिक येथून श्वानपथक आणि ठसे तज्ज्ञांनाही पाचारण करण्यात आले. श्वानपथकाने येऊन बँकेच्या पूर्व बाजूच्या रिंगरोडच्या चौफुलीपर्यंत माग दाखवला आहे. दुपारी बँकेचे वरिष्ठ अधिकारी पाहणी करण्यासाठी आले होते. त्र्यंबक पोलिस याचा पुढील तपास करत आहेत. सायंकाळी उशीरापर्यंत गुन्हा दाखल करण्याचे काम सुरू होते.
सायरन आणि सुरक्षारक्षकांचे काय?
त्र्यंबकेश्वर मंदिरापासून हाकेच्या अंतरावर आणि उपजिल्हा रुग्णालयाच्या शेजारी असलेल्या या बँकेत झालेल्या चोरीने त्र्यंबकवासीय घाबरले आहेत. विशेष म्हणजे बँकेचा सायरन का वाजला नाही याबाबत आश्चर्य व्यक्त होत आहे. तसेच दररोज लाखोंची उलाढाल होत असलेल्या बँकेच्या सुरक्षेसाठी एकही सुरक्षारक्षक येथे नसावा, याचीही चर्चा होत आहे. दरम्यान, शेजारीच एटीम व कॅश डिपॉजीट मशीन आहे तेथेदेखील सुरक्षारक्षक नसतो. पोलिसांचे शहरातील पेट्रोलिंग होत नसल्याने शहरात चोऱ्या वाढल्या आहेत.
येथील स्टेट बँक ऑफ इंडियाच्या त्र्यंबकेश्वर शाखेत शुक्रवारच्या रात्रीला अज्ञात चोरट्यांनी इमारतीचे शटर तोडून आत घुसले. मात्र, रोकड हाती न लागल्याने त्यांनी कामकाजाचे तीन संगणक चोरून नेले आहे. यासोबतच सीसीटीव्ही कॅमेऱ्याचे रेकॉर्ड मशीन (डिव्हीडीआर) देखील सोबत घेऊन गेले आहेत. त्यापैकी कर्मचारी वापरत असलेल्या दरवाजाचे शटर कुलपासह तोडले आहे.
शुक्रवारी रात्री सव्वा आठ वाजेच्या सुमारास कर्मचाऱ्याने हे शटर बंद केले आणि तो घरी गेला. त्यानंतर शनिवारी सकाळी नेहमीप्रमाणे सकाळी साडेआठ वाजता तो बँक उघडण्यासाठी आला असता त्यास कुलूप तोडलेले आढळले. परिस्थितीचे गांभीर्य लक्षात घेत त्याने शाखाधिकारी यांना दूरध्वनीने कळविल्यानंतर पोलिसांनी पाहणी केली. नाशिक येथून श्वानपथक आणि ठसे तज्ज्ञांनाही पाचारण करण्यात आले. श्वानपथकाने येऊन बँकेच्या पूर्व बाजूच्या रिंगरोडच्या चौफुलीपर्यंत माग दाखवला आहे. दुपारी बँकेचे वरिष्ठ अधिकारी पाहणी करण्यासाठी आले होते. त्र्यंबक पोलिस याचा पुढील तपास करत आहेत. सायंकाळी उशीरापर्यंत गुन्हा दाखल करण्याचे काम सुरू होते.
सायरन आणि सुरक्षारक्षकांचे काय?
त्र्यंबकेश्वर मंदिरापासून हाकेच्या अंतरावर आणि उपजिल्हा रुग्णालयाच्या शेजारी असलेल्या या बँकेत झालेल्या चोरीने त्र्यंबकवासीय घाबरले आहेत. विशेष म्हणजे बँकेचा सायरन का वाजला नाही याबाबत आश्चर्य व्यक्त होत आहे. तसेच दररोज लाखोंची उलाढाल होत असलेल्या बँकेच्या सुरक्षेसाठी एकही सुरक्षारक्षक येथे नसावा, याचीही चर्चा होत आहे. दरम्यान, शेजारीच एटीम व कॅश डिपॉजीट मशीन आहे तेथेदेखील सुरक्षारक्षक नसतो. पोलिसांचे शहरातील पेट्रोलिंग होत नसल्याने शहरात चोऱ्या वाढल्या आहेत.