म. टा. वृत्तसेवा, नवी मुंबई
पनवेल तालुक्यातील नेवाळी भागातील भूमी स्क्वेअर रेसिडेन्सी इमारतीत राहणाऱ्या शारदा खोडे (३९) या महिलेने शेजारी राहणाऱ्या पावशे कुटुंबीयांच्या मानसिक छळाला कंटाळून राहत्या घरात गळफास घेऊन आत्महत्या केल्याची घटना घडली. खांदेश्वर पोलिसांनी पावशे कुटुंबियाविरोधात आत्महत्येस प्रवृत्त केल्याप्रकरणी गुन्हा दाखल केला आहे.
शारदा खोडे या पती आबासाहेब (४४) मुलगा ऋषीकेश (२१) यांच्यासह रहात होत्या. तर, त्यांचा छळ करणारे रमेश पावशे, पत्नी राजर्षी व मुलगा प्रथमेश त्याच इमारतीत मागील एक वर्षापासून भाडेतत्त्वावर राहण्यास आहेत. यातील प्रथमेश हा वर्षभरापासून खोडे यांच्या दरवाजावर विनाकारण लाथ मारून जात होता. त्यामुळे खोडे व त्यांच्या पत्नीने याबाबत विचारणा केली असता, पावशे कुटुंबीयांनी खोडे कुटुंबीयांनाच उलट शिवीगाळ करून मारहाण करण्याची धमकी दिली होती. त्यानंतर पावशे कुटुंबीय किरकोळ कारणावरून वारंवार विनाकारण शिवीगाळ व दमदाटी करून ठार मारण्याची धमकी देत होते. त्यानंतर २९ मार्च रोजी रात्री सव्वा बारा वाजण्याच्या सुमारास प्रथमेश याने आबासाहेब यांना इमारतीच्या पार्किंगमध्ये अडवून त्यांच्या पत्नीला मारहाण करण्याची धमकी दिली होती. त्यामुळे आबासाहेब यांनी प्रथमेश विरोधात खांदेश्वर पोलिस ठाण्यात अदखलपात्र गुन्ह्याची नोंद केली होती. त्यामुळे पावशे कुटुंबीय संतापले होते. १ एप्रिल रोजी सकाळी शारदा यांनी घरामध्ये देवाची गाणी लावल्यानंतर पावशे कुटुंबाने जाणीवपूर्वक त्यांच्या गाण्यांच्या आवाजाचा त्रास होत असल्याचे कारण पुढे करून त्यांना शिवीगाळ करत मारहाणीची धमकी दिली होती. हे पतीला सांगितल्यानंतर पावशे कुटुंबीयाविरोधात अदखलपात्र गुन्ह्याची नोंद केली.
याचदरम्यान शारदा यांनी पावशे कुटुंबीयांकडून सुरू असलेल्या सततच्या मानसिक त्रासाला कंटाळून राहत्या घरात गळफास घेऊन आत्महत्या केली. काही वेळानंतर आबासाहेब खोडे घरी परतल्यानंतर हा प्रकार उघडकीस आला. पावशे कुटुंबीयांनी दिलेल्या मानसिक त्रासामुळेच शारदा यांनी आत्महत्या केल्याचे आढळून आल्यानंतर आबासाहेब यांनी खांदेश्वर पोलिस ठाण्यात पावशे कुटुंबीयांविरोधात तक्रार दाखल केली. त्यानुसार पोलिसांनी रमेश पावशे, राजर्षी पावशे व प्रथमेश पावशे या तिघांविरोधात आत्महत्येस प्रवृत्त करणे, शिवीगाळ करणे, धमकावणे आदी कलमाखाली गुन्हा दाखल केला आहे.
पनवेल तालुक्यातील नेवाळी भागातील भूमी स्क्वेअर रेसिडेन्सी इमारतीत राहणाऱ्या शारदा खोडे (३९) या महिलेने शेजारी राहणाऱ्या पावशे कुटुंबीयांच्या मानसिक छळाला कंटाळून राहत्या घरात गळफास घेऊन आत्महत्या केल्याची घटना घडली. खांदेश्वर पोलिसांनी पावशे कुटुंबियाविरोधात आत्महत्येस प्रवृत्त केल्याप्रकरणी गुन्हा दाखल केला आहे.
शारदा खोडे या पती आबासाहेब (४४) मुलगा ऋषीकेश (२१) यांच्यासह रहात होत्या. तर, त्यांचा छळ करणारे रमेश पावशे, पत्नी राजर्षी व मुलगा प्रथमेश त्याच इमारतीत मागील एक वर्षापासून भाडेतत्त्वावर राहण्यास आहेत. यातील प्रथमेश हा वर्षभरापासून खोडे यांच्या दरवाजावर विनाकारण लाथ मारून जात होता. त्यामुळे खोडे व त्यांच्या पत्नीने याबाबत विचारणा केली असता, पावशे कुटुंबीयांनी खोडे कुटुंबीयांनाच उलट शिवीगाळ करून मारहाण करण्याची धमकी दिली होती. त्यानंतर पावशे कुटुंबीय किरकोळ कारणावरून वारंवार विनाकारण शिवीगाळ व दमदाटी करून ठार मारण्याची धमकी देत होते. त्यानंतर २९ मार्च रोजी रात्री सव्वा बारा वाजण्याच्या सुमारास प्रथमेश याने आबासाहेब यांना इमारतीच्या पार्किंगमध्ये अडवून त्यांच्या पत्नीला मारहाण करण्याची धमकी दिली होती. त्यामुळे आबासाहेब यांनी प्रथमेश विरोधात खांदेश्वर पोलिस ठाण्यात अदखलपात्र गुन्ह्याची नोंद केली होती. त्यामुळे पावशे कुटुंबीय संतापले होते. १ एप्रिल रोजी सकाळी शारदा यांनी घरामध्ये देवाची गाणी लावल्यानंतर पावशे कुटुंबाने जाणीवपूर्वक त्यांच्या गाण्यांच्या आवाजाचा त्रास होत असल्याचे कारण पुढे करून त्यांना शिवीगाळ करत मारहाणीची धमकी दिली होती. हे पतीला सांगितल्यानंतर पावशे कुटुंबीयाविरोधात अदखलपात्र गुन्ह्याची नोंद केली.
याचदरम्यान शारदा यांनी पावशे कुटुंबीयांकडून सुरू असलेल्या सततच्या मानसिक त्रासाला कंटाळून राहत्या घरात गळफास घेऊन आत्महत्या केली. काही वेळानंतर आबासाहेब खोडे घरी परतल्यानंतर हा प्रकार उघडकीस आला. पावशे कुटुंबीयांनी दिलेल्या मानसिक त्रासामुळेच शारदा यांनी आत्महत्या केल्याचे आढळून आल्यानंतर आबासाहेब यांनी खांदेश्वर पोलिस ठाण्यात पावशे कुटुंबीयांविरोधात तक्रार दाखल केली. त्यानुसार पोलिसांनी रमेश पावशे, राजर्षी पावशे व प्रथमेश पावशे या तिघांविरोधात आत्महत्येस प्रवृत्त करणे, शिवीगाळ करणे, धमकावणे आदी कलमाखाली गुन्हा दाखल केला आहे.