धक्कादायक! भाजप नेत्यानं मित्राला संपवलं; धड फेकलं अन् मुंडकं घेऊन फिरत होता

आग्रा: उत्तर प्रदेशच्या आग्रामध्ये एका मित्रानं दुसऱ्या मित्राची हत्या केली आहे. टिंकू भार्गव असं आरोपीचं नाव आहे. टिंकूनं मित्रावर आधी गोळी झाडली आणि मग त्याचं शिर धडावेगळं केलं. आरोपी हत्येचे पुरावे नष्ट करण्याच्या प्रयत्नात होता. मात्र गस्तीवर असलेल्या पोलीस वेळेत पोहोचले आणि टिंकू पकडला गेला. पोलिसांना टिंकूच्या कारमध्ये शिर सापडलं आहे.

पोलिसांनी आरोपी टिंकू भार्गव आणि अनिलला अटक केली आहे. अनिलचा हत्याकांडात सहभाग आहे. टिंकू भार्गव भारतीय जनता पक्षाच्या अनुसुचित मोर्चाचा जिल्हाध्यक्ष असल्याचं सांगितलं जात आहे. टिंकू आणि अनिलनं नवीन शर्मा यांची हत्या केली. शर्मा यांचे बंधू प्रविण यांच्या तक्रारीवरून टिंकू आणि अनिलच्या विरोधात गुन्हा दाखल करण्यात आला आहे.
बिल्डिंगमधील 'महिला' पॉर्न पाठवायची, १० शेजाऱ्यांनी मैत्री केली अन् पायाखालची जमीन सरकली
आग्र्यातील सिकंदरा पोलीस ठाण्याच्या हद्दीत ही घटना घडली. नवीन शर्मांचे भाऊ प्रविण यांनी दिलेल्या माहितीनुसार, ४ ऑगस्टला दुपारी साडे तीन वाजता नवीन त्याचा मित्र टिंकूच्या घरी ऍक्टिवा घेऊन गेला. रात्री ८ वाजता मुलीनं नवीनला फोन केला. आपण टिंकू भार्गव आणि त्याचा मित्र अनिल सोबत असल्याचं नवीननं फोनवर सांगितलं.

तासाभरानंतर कुटुंबीयांनी पुन्हा फोन केला. त्यावेळी नवीन आणि टिंकू यांचा फोन स्विच्ड ऑफ होता. तुमच्या भावासोबत अनुचित प्रकार घडल्याचं पोलिसांनी रात्रीच्या सुमारास प्रविणला फोन करून सांगितलं. याची माहिती मिळताच प्रविण त्याच्या मित्रांना घेऊन सिकंदरा अरसेना जंगलात पोहोचला. त्यावेळी त्यांना घटनास्थळी एक पांढऱ्या रंगाची कार दिसली.
माझ्या हॉट बायकोशी बोला! नवऱ्यानेच न्यूड फोटो सोशल मीडियावर टाकले, फोन नंबरही शेअर
कारमध्ये नवीन यांचं शिर पडलेलं होतं. तर कारच्या खाली नवीन यांचं धड निर्वस्त्रा अवस्थेत होतं. आरोपी टिंकू भार्गव भाजप अनुसुचित मोर्चाचा जिल्हाध्यक्ष आहे. दोन्ही आरोपींना पोलिसांनी अटक केली आहे. पोलीस सध्या आरोपींची चौकशी करत आहेत. दोघांनी इतक्या निर्घृणपणे खून का केला, त्याचा तपास सुरू आहे.