पत्नी सेक्स करू देत नव्हती, पतीनं गळफास घेऊन केली आत्महत्या

अहमदाबाद: लग्न होऊन जवळपास दोन वर्षे होत आली तरी, पत्नी सेक्स करू देत नसल्याने नैराश्य आलेल्या पतीनं आत्महत्या केल्याची घटना शाहेरकोटदा पोलीस ठाण्याच्या हद्दीत घडली. पतीला आत्महत्येस प्रवृत्त केल्याप्रकरणी पोलिसांनी ३२ वर्षीय पत्नीविरोधात गुन्हा दाखल केला आहे.

पत्नी गीता ही जयंती वकील चाळीत राहते. सुरेंद्रसिंह याची आई मूली (वय ५५) यांनी ६ ऑगस्ट रोजी गीताविरोधात पोलीस ठाण्यात तक्रार दाखल केली आहे. सुरेंद्रसिंहला आत्महत्येस प्रवृत्त केल्याचा आरोप त्यांनी गीतावर केला आहे. पोलिसांनी तिच्याविरोधात गुन्हा नोंदवला आहे.

शाहेरकोटदा पोलीस ठाण्यात सुरेंद्रसिंहच्या आईने केलेल्या तक्रारीनुसार, सुरेंद्रसिंह हा रेल्वेमध्ये काम करत होता. ऑक्टोबर २०१८मध्ये त्याचे गीतासोबत लग्न झाले होते. त्याआधी २०१६मध्ये सुरेंद्रसिंहचा पहिल्या पत्नीसोबत घटस्फोट झाला होता. तर दुसरीकडे गीता देखील घटस्फोटित होती. एकदा मी मुलाच्या खोलीत गेले होते. त्यावेळी मुलगा आणि सून दोघेही वेगवेगळ्या बेडवर झोपलेले होते. याबाबत मी मुलाला विचारणा केली होती. त्यावेळी आमच्यात अजून कोणतेही शारिरीक संबंध प्रस्थापित झालेले नाहीत. गीता ही शारिरिक संबंधांना नकार देत असल्याचे त्याने सांगितले. तिला कोणतेही संबंध त्याच्यासोबत ठेवायचे नव्हते, असा आरोप सुरेंद्रसिंहच्या आईने तक्रारीत केला आहे.

धक्कादायक! कुमारी मातेनं नवजात बाळाला ६व्या मजल्यावरून फेकलं

पुणे: उच्चभ्रू सोसायटीत एकट्या राहणाऱ्या वृद्धेला मारहाण करून लुटले

खळबळजनक! कचरा टाकल्याचा जाब विचारला; दोघांना चाकूने भोसकले

पत्नीच्या अशा वागण्यामुळे माझा मुलगा मानसिक तणावात होता. तिला त्याच्यासोबत शारिरीक संबंध ठेवायचे नव्हते. त्यांच्यात किरकोळ कारणांवरून भांडण होत असे. परिस्थिती हाताबाहेर गेली होती. त्यानंतर ती आपल्या पालकांच्या घरी निघून गेली होती. सुरेंद्रसिंहने तिच्याशी संपर्क तोडला होता. मात्र, तो या नैराश्येत गेला होता, असे त्याच्या आईने तक्रारीत म्हटले आहे. २७ जुलै रोजी त्याच्या घरातील लोक एका नातेवाइकाच्या अंत्यविधीसाठी बाहेरगावी गेले होते. सुरेंद्रसिंह हा एकटाच घरी होता. कुटुंबीय घरी परतल्यानंतर त्यांना धक्काच बसला. त्याचा मृतदेह लटकलेल्या अवस्थेत घरात आढळून आला होता, असेही त्यांनी सांगितले.

'तिच्या'सोबतच्या खासगी क्षणांचा व्हिडिओ प्रियकराने केला व्हायरल अन्...
लॉकडाउनमध्ये नाइट पार्टी; पोलिसांनी भररस्त्यात 'धनाढ्यां'ची काढली धींड

पुणे: पत्नी नांदायला येत नाही म्हणून वाद; जावयाने केला सासऱ्याचा खून