नगरमध्ये गोदामावर छापा; घबाड पाहून पोलीसही चक्रावले, रात्री उशिरापर्यंत मोजणी

म.टा. प्रतिनिधी, नगर: पोलीस विभागाने गुटखा माफियांच्या विरोधात कारवाई सुरू केली आहे. श्रीरामपूरमध्ये गुटख्याच्या व्यापाऱ्यांवर कारवाई केल्यानंतर आता अहमदनगर शहरातही पोलिसांनी गुटख्याच्या गोदामावर छापा टाकला आहे. या कारवाईत तब्बल १३ लाख ९२ हजार ७२९ लाख रुपये किंमतीचा गुटखा जप्त करण्यात आला आहे.

या प्रकरणी शुभम रमणलाल भळगट (वय २४) याच्यावर तोफखाना पोलीस ठाण्यात गुन्हा दाखल करण्यात आला असून, भळगट याला अटक करण्यात आली आहे. नगरमधील शेरकर गल्ली येथ शुभम भळगट याच्या घरी बेकायदा गुटखा विक्री होत आहे, अशी माहिती पोलिसांना मिळाली होती. त्यानुसार पोलिसांच्या पथकाने काल, गुरुवारी सायंकाळच्या सुमारास त्या ठिकाणी छापा टाकला.

यावेळी शुभम भळगट याला ताब्यात घेऊन चौकशी केली असता, त्याच्या घरी व गोदामात मोठ्या प्रमाणावर गुटखा सापडला. हा गुटख्याचा माल किती आहे, हे मोजण्याचे काम गुरुवारी रात्री उशिरापर्यंत सुरू होते. या गुटख्याची अंदाजे किंमत १३ लाख ९२ हजार ७२९ रुपये असल्याचे समोर आले आहे. या प्रकरणी तोफखाना पोलीस ठाण्यात गुन्हा दाखल करण्यात आला असून, भळगट याला पोलिसांनी अटक केली आहे. प्रभारी पोलीस अधीक्षक डॉ. दत्ताराम राठोड यांच्या मार्गदर्शनाखाली ही कारवाई पोलीस उपनिरीक्षक एस. एच. सूर्यवंशी यांच्या पथकाने केली आहे.

काहीतरी मोठं घडतंय; पुन्हा लष्कराच्या हद्दीत घुसण्याचा २ तरुणांचा प्रयत्न

नागपुरात भरदुपारी थरार; दुचाकीवरील चोरट्याने विद्यार्थिनीला फरफटत नेले

'मी अतिरेकी बोलतोय,… रेल्वे स्टेशनवर बॉम्ब ठेवलाय'

हृदयद्रावक! १० वर्षांच्या मुलाला काकाने दिले गरम प्लेटचे चटके