Aurangabad: काही महिन्यांपूर्वी जेलमधून सुटला, फ्लॅटमध्ये मृतावस्थेत आढळला

औरंगाबाद : दौलताबाद रोडवरील माऊंट व्हॅली शाळेजवळील पीस होम सोसायटी येथे भाड्याने राहणाऱ्या मंतूस कुमार सिंग (३६) याचा पोटात चाकू भोसकून निर्घृण खून केल्याची घटना उघडकीस आली आहे. काही महिन्यांपूर्वीच तो तुरुंगातून सुटला होता.

फ्लॅटमध्ये बुधवारी (ता. २१) मंतूस याचा मृतदेह आढळून आला. दोन दिवसांपूर्वीच त्याचा खून झाला असावा, अशी माहिती छावणी पोलिसांनी दिली आहे. मंतूस कुमार सिंग हा एटीएम फोडणाऱ्या टोळीतील सदस्य होता. काही महिन्यांपूर्वी हर्सूल तुरुंगातून मंतुस कुमार सिंग सुटला होता. त्याची हत्या दोन दिवसांपूर्वी करण्यात आली. या प्रकरणी छावणी पोलीस ठाण्यात गुन्हा दाखल करण्यात आला आहे.

दोन दिवसांनी उघडकीस आली घटना

बायको घरी नसल्याने पार्टीचा बेत केला. त्यानंतर दारू पाजून मंतुस सिंग याची हत्या करण्यात आली. मंतुस हा पडेगाव येथे राहात होता. काही महिन्यांपूर्वी तो या सोसायटीत भाड्याने घेतलेल्या फ्लॅटमध्ये राहण्यास आला होता. त्याचा मित्र बबलू याने तीन दिवसांपूर्वी त्याची कार फिरायला जाण्यासाठी घेतली होती. बुधवारी सकाळी १०.३० वाजता तो कारची चावी देण्यासाठी घरी आला. दरवाजा आतून बंद होता. आतून दुर्गंधी येत होती. बबलूला संशय आल्याने त्याने पोलिसांना कळवले. दरवाजा उघडला असता, मंतुस सोफ्यावर मृतावस्थेत आढळून आला. त्याचा चाकूने भोसकून खून करण्यात आला होता.

आठ दिवसांपूर्वी झाले होते भांडण

मंतुस हा एका संघटनेसाठी काम करत होता. फायनान्स क्षेत्रात खाजगीरित्या वसुली आणि प्लॉटिंग असा त्याचा व्यवसाय होता, अशी माहिती समजते. त्याचे आठ दिवसांपूर्वीच भांडण झाल्याची माहितीही मिळाली आहे. तो विवाहित होता. त्याला एक लहान मुलगी आहे. खून झाला त्यावेळी त्याची पत्नी घरी नव्हती, अशी माहिती स्थानिकांकडून मिळाली. मंतुसला आधी दारू पाजण्यात आली. त्यानंतर त्याचा खून केला असावा, असा प्राथमिक अंदाज पोलिसांनी व्यक्त केला आहे.

सोसायटीत पोलिसांचा ताफा

खुनाच्या घटनेची माहिती मिळताच घटनास्थळी सहाय्यक पोलीस आयुक्त डॉ. कोल्हे, सहायक पोलीस आयुक्त विवेक सराफ, पोलीस निरीक्षक मनोज पगारे यांच्यासह श्वान पथक, फॉरेन्सिक टीम सोसायटीत पोहोचले. या प्रकरणी छावणी पोलीस ठाण्यात गुन्हा दाखल करण्यात आला आहे. पोलीस निरीक्षक मनोज पगारे हे या प्रकरणाचा तपास करत आहेत.

'वर्क फ्रॉम होम' जीवघेणा ठरला; इंजिनीअरने केली आत्महत्या त्र्यंबकेश्वरच्या माजी नगराध्यक्षांची दिवसाढवळ्या हत्या, राजकीय वर्तुळात खळबळप्रसिद्ध मराठी अभिनेत्रीला बलात्काराची धमकीखळबळजनक! आत्याच्या नवऱ्याला तरुणाने जिवंत जाळले