वाळुज, प्रतिनिधी : बजाजनगर भागातील एका इमारतीत राहणाऱ्या महिलेने सोमवारी दुपारी २ वाजेच्या दरम्यान दुसऱ्या मजल्याच्या बाल्कनीतून आपल्या दोन लहान मुलांना खाली रस्त्यावर फेकले. त्यानंतर स्वत: उडी घेऊन आत्महत्या करण्याचा प्रयत्न केला. या घटनेत एका लहान मुलाचा जागेवरच मृत्यू झाला असून, मुलगी आणि महिलेवर रूग्णालयात उपचार सुरू आहेत. या प्रकरणी एमआयडीसी वाळुज पोलिसांनी दिलेल्या माहितीनुसार, वाळुज महानगर भागातील बजाजनगर येथे राहणाऱ्या अनिता आतकर (वय २०) त्याच्या परिवारासोबत राहते. अनिता आतकर सोमवारी दुपारी दोन वाजेच्या दरम्यान घराच्या दुसऱ्या मजल्याच्या बाल्कनीत गेली. तिने आधी एका वर्षाच्या सोहम आतकरला दुसऱ्या मजल्यावरून फेकले. यानंतर काही क्षणातच तिने आपली तीन वर्षांची मुली प्रतीक्षा हिलाही दुसऱ्या मजल्यावरून खाली फेकले. त्यानंतर अनिता आतकर हिने खाली उडी मारली. ही घटना पाहताच, आसपास उभ्या असलेल्या लोकांनी तात्काळ त्यांना रुग्णालयात नेले.
या घटनेत एका वर्षाच्या सोहमचा जागीच मृत्यू झाला. तर तीन वर्षाची प्रतीक्षा आणि आनिता हिच्यावर रूग्णालयात उपचार सुरू आहेत. जखमींवर उपचार सुरू झाल्यानंतर पोलिसांनी या महिलेच्या घरात पाहणी केली असता, ती वर्षभरापासून मानसिक आजारावर उपचार घेत असल्याची माहिती मिळाली आहे, असे पोलिसांनी सांगितले. तिने आपल्या मुलांना दुसऱ्या मजल्यावरून खाली का फेकले किंवा स्वत: आत्महत्या करण्याचा प्रयत्न का केला, याची माहिती अद्याप मिळू शकलेली नाही. या प्रकरणाची नोंद एमआयडीसी वाळुज पोलीस ठाण्यात करण्यात आली आहे.
घर मालकिणीने मुलांना पकडण्याचा प्रयत्न केला, पण...
ही घटना घडली तेव्हा त्या घराची मालकीण ही खालीच उभी होती. तिने मुलांना पकडण्याचा प्रयत्न केला. मात्र तिच्यासमोरच मुले जमिनीवर पडली. काही वेळात महिलेनेही उडी मारली. डोळ्यांसमोर ही घटना घडल्याचे पाहून घराच्या मालकीणही अस्वस्थ झाल्या. त्यांची प्रकृती बिघडली.
या घटनेत एका वर्षाच्या सोहमचा जागीच मृत्यू झाला. तर तीन वर्षाची प्रतीक्षा आणि आनिता हिच्यावर रूग्णालयात उपचार सुरू आहेत. जखमींवर उपचार सुरू झाल्यानंतर पोलिसांनी या महिलेच्या घरात पाहणी केली असता, ती वर्षभरापासून मानसिक आजारावर उपचार घेत असल्याची माहिती मिळाली आहे, असे पोलिसांनी सांगितले. तिने आपल्या मुलांना दुसऱ्या मजल्यावरून खाली का फेकले किंवा स्वत: आत्महत्या करण्याचा प्रयत्न का केला, याची माहिती अद्याप मिळू शकलेली नाही. या प्रकरणाची नोंद एमआयडीसी वाळुज पोलीस ठाण्यात करण्यात आली आहे.
घर मालकिणीने मुलांना पकडण्याचा प्रयत्न केला, पण...
ही घटना घडली तेव्हा त्या घराची मालकीण ही खालीच उभी होती. तिने मुलांना पकडण्याचा प्रयत्न केला. मात्र तिच्यासमोरच मुले जमिनीवर पडली. काही वेळात महिलेनेही उडी मारली. डोळ्यांसमोर ही घटना घडल्याचे पाहून घराच्या मालकीणही अस्वस्थ झाल्या. त्यांची प्रकृती बिघडली.