औरंगाबाद: महिलेने गळफास घेऊन केली आत्महत्या; ६ शेजाऱ्यांना अटक

म. टा. प्रतिनिधी, औरंगाबाद: शेजाऱ्यांच्या मानसिक त्रासाला कंटाळून म्हाडा कॉलनीतील ५४ वर्षीय महिलेने फॅनला ओढणी अडकवून गळफास लावून आत्महत्या केल्याप्रकरणी पोलिसांनी सहा जणांना गजाआड केले. त्यांना गुरुवारपर्यंत पोलिस कोठडीत ठेवण्याचे आदेश प्रथम वर्ग न्यायदंडाधिकारी डी. एस. वमणे यांनी दिले.

उषा विजय गायकवाड (वय ५४, रा. म्हाडा कॉलनी, बाबा पेट्रोल पंप परिसर) असे मृत महिलेचे नाव आहे. तर प्रदीप भाऊराव रोंगे (वय ४८), गौरव प्रदीप रोंगे (वय २०), लक्ष्मण मल्हारी पगारे (वय ७३, सर्व रा. बाबा पेट्रोलपंप, म्हाडा कॉलनी), दयानंद हरिभाऊ आराख (वय ५३), शुभम दायानंद आराख (वय २४) व मयूर दयानंद आराख (वय १९, सर्व रा. एन-४, परिजातनगर) अशी आरोपींची नावे आहेत. या प्रकरणात मृत उषा गायकवाड यांचे पती विजयकुमार किशनराव गायकवाड यांनी तक्रार दिली. गायकवाड हे जालना येथील रेशीम उद्योग महामंडळातून सेवानिवृत्त झाले असून सध्या ते औरंगाबादेतील जिल्हा रेशीम कार्यालयात कंत्राटदारामार्फत कार्यरत आहेत.

अश्लिल मेसेज पाठवले; भाजप आमदारासह तिघांवर गुन्हा

नागपूर: 'त्या' लाचखोर पोलीस अधिकाऱ्याला रंगेहाथ पकडले

महिलेनं पोलीस अधिकाऱ्याच्या कानाखाली मारली; व्हिडिओ व्हायरल

सहा जुलै रोजी नेहमीप्रमाणे गायकवाड कामाला गेले होते. सायंकाळी चारच्या सुमारास त्यांची मुलगी नम्रता हिने गायकवाड यांना फोन करून आई दिसत नसल्याचे सांगितले. त्यावर गायकवाड यांनी आजूबाजूला शोध घेण्याचे सांगितले. त्यानुसार नम्रताने आईचा शोध घेतला असता गायकवाड यांच्या घर नंबर २४६चा दरवाजा आतून बंद दिसला. त्यामुळे नम्रता खिडकीतून घरात डोकावली असता उषा यांनी ओढणीने फॅनला गळफास घेतल्याचे दिसले. ही बाब नम्रताने वडिलांना सांगितली. गायकवाड यांनी घराचा दरवाजा तोडून उषा यांना शेजाऱ्यांच्या मदतीने बेशुद्ध अवस्थेत घाटीत नेण्यात आले. मात्र, डॉक्टरांनी त्यांना मृत घोषित केले. या प्रकरणात क्रांती चौक पोलिस ठाण्यात गुन्हा दाखल करण्यात आला. पोलिसांनी गायकवाड यांच्या घराची झडती घेतली असता घरात उषा यांनी आत्महत्येबाबत लिहिलेल्या मजकुराची डायरी पोलिसांच्या हाती लागली. त्यात शेजारी राहणारे प्रदीप उर्फ बालाजी रोंगे, त्याची पत्नी, गौरव रोंगे, भुजंग याची पत्नी, सौरभ भोळे, लक्ष्मण पगारे, दयानंद आरख, त्याची पत्नी, मयूर व शुभम आरख अशा दहा जणांनी आमचे कुटुंब येथे राहू नये यासाठी गायकवाड कुटुंबाला शिवीगाळ करून धमक्या देत आहे. या नेहमीच्या त्रासाला कंटाळून आत्महत्या करत असल्याचे नमूद केल्याचे तक्रारीत म्हटले आहे.

Vikas Dubey arrested: कानपूर एन्काउंटरमधील मुख्य आरोपी विकास दुबे याला अटक

आणखी आरोपींचा शोध

पोलिसांनी तपास करून वरील सहा आरोपींना अटक करून न्यायालयात हजर केले असता सहाय्यक सरकारी वकील एन. ए. ताडेवार यांनी चिठ्ठीत आणखी आरोपींची नावे असून त्यांना अटक करणे आहे. मृत व त्यांच्या आरोपींचा नेमका उद्देश काय याचा तपास करणे आहे. तसेच आरोपींच्या कुटुंबीयांच्या फिंगर प्रिंट घेणे बाकी असल्याने आरोपींना पेालिस कोठडी देण्याची विनंती न्यायालयाकडे केली. ही विनंती मान्य करून न्यायालयाने कोठडीचे आदेश दिले.