बायकोचं अफेयर, ती मला मारते, धमकावते! व्हिडीओ शूट करून हॉटेल मालकानं टोकाचं पाऊल उचललं

भिलवाडा: राजस्थानच्या भिलवाडा येथे एका हॉटेल मालकानं ट्रेनच्या समोर उडी घेत आत्महत्या केली. आत्महत्या करण्याआधी त्यानं व्हिडीओ चित्रित केला. पत्नी आणि तिचा प्रियकर मला धमकावतात. त्यांच्या त्रासाला कंटाळून आत्महत्या करत असल्याचं हॉटेल मालकानं व्हिडीओमध्ये म्हटलं आहे. या प्रकरणी मृताच्या भावानं पोलिसात तक्रार दाखल केली आहे. पोलीस या प्रकरणाचा तपास करत आहेत.

मशिनी मार्केटमध्ये राहणाऱ्या ४२ वर्षीय कमल कलवानी यांनी ट्रेनपुढे उडी मारून आत्महत्या केल्याची माहिती पोलीस ठाण्याचे प्रभारी मुकेश वर्मा यांनी दिली. कमल यांचा मृतदेह रेल्वे फाटकाजवळ सापडला. कमल यांच्या मृतदेहाजवळ पोलिसांना मोबाईल सापडला. त्यावरून पोलिसांनी मृतदेहाची ओळख पटवली आणि घटनेची माहिती कमल यांच्या कुटुंबियांना दिली.
टार्गेट पूर्ण न झाल्यानं बॉस संतापला; मीटिंगमध्ये कर्मचाऱ्याचं डोकं फोडलं; मुंबईतील घटना
पोलिसांना मृताच्या मोबाईलमध्ये एक व्हिडीओ सापडला. पतीच्या विवाहबाह्य संबंधांमुळे त्रस्त असल्याची व्यथा त्यानं व्हिडीओमध्ये मांडली होती. 'पत्नीचं अफेयर सुरू आहे. मी तिला प्रियकरासोबत पकडलं. तू काहीच करू शकत नाहीस. कायदे महिलांच्या बाजूनं असल्याचं म्हणत त्यांनी मला धमकावलं,' असं कमल यांनी व्हिडीओत म्हटलं आहे.
माझा झाला नाहीस, तर कोणाचाच होऊ देणार नाही! नकार देताच तरुणीनं तरुणावर फेकलं ५ लिटर ऍसिड
पत्नीचा प्रियकर आणि त्याच्या घरचे मला धमकावतात. आमचं उत्पन्न ५० लाख रुपये आहे. आम्ही पोलीस ठाण्यात पैसे देते. पत्नी मला मारहाण करते. सतत वाद घातले. या सगळ्या त्रासाला कंटाळून मी आत्महत्या करत असल्याची व्यथा कमल यांनी व्हिडीओमध्ये मांडली.

पोलिसांनी दिलेल्या माहितीनुसार, कमल यांचा पत्नी आणि तिच्या प्रियकराशी वाद झाला होता. कमल यांच्या भावानं या प्रकरणी फिर्याद दाखल केली. त्यानंतर पोलिसांनी भवरलाल दरगड, पंकज दरगड, पंकजची पत्नी मिनाक्षी, कमलची पत्नी विद्या आणि मधू जैन यांच्याविरोधात गुन्हा नोंदवला.