संतापजनक! ९ वर्षीय दिव्यांग मुलाचे गुप्तांग कापले, प्रकृती चिंताजनक

भोजपूर: बिहारमधील भोजपूर जिल्ह्यात धक्कादायक घटना घडली आहे. येथील कोईलवर पोलीस ठाण्याच्या हद्दीतील एका ९ वर्षांच्या दिव्यांग मुलाचे तिघा तरुणांनी गुप्तांग कापले. गंभीर जखमी झालेल्या मुलाला तातडीने रुग्णालयात नेण्यात आले. मुलाची प्रकृती चिंताजनक आहे.

कोईलवर पोलीस ठाण्याच्या हद्दीत घडलेल्या या घटनेने बिहारमध्ये संताप व्यक्त केला जात आहे. मुलाला तीन तरुणांनी फूस लावून शेतावर नेले आणि तिथे त्याचे गुप्तांग कापले. गंभीर जखमी झालेल्या मुलाला कुटुंबीयांनी कोईलवर येथील आरोग्य केंद्रात नेले. तिथे प्रथमोपचार केले. मात्र, प्रकृती गंभीर असल्याने मुलाला पुढील उपचारासाठी अन्य रुग्णालयात पाठवण्यात आले. तेथे त्याच्या गुप्तांगावर जवळपास बाराहून अधिक टाके पडले आहेत. या घटनेनंतर परिसरातून संताप व्यक्त करण्यात येत असून, आरोपींना कठोर शिक्षा व्हावी, अशी मागणी होत आहे.

फक्त २०० रुपयांसाठी केली रिक्षाचालकाची हत्या

नराधम मामाचं संतापजनक कृत्य; भाचीचं केलं लैंगिक शोषण

मुलाच्या आईने कोईलवर पोलीस ठाण्यात तिघा तरुणांविरोधात तक्रार दाखल केली आहे. मुलगा मूकबधिर आहे. तिघा आरोपींनी त्याला फूस लावून जवळच्या शेतात नेले. तिथे धारदार शस्त्राने त्याचे गुप्तांग कापले, असे महिलेने तक्रारीत म्हटले आहे. मुलगा रडतरडत घरी आला. त्याच्या शरीरातून मोठ्या प्रमाणात रक्तस्राव झाला होता. मुलाने इशारे करून आरोपींबद्दल माहिती सांगितली. त्यानंतर तिने पोलीस ठाण्यात धाव घेतली. तिघांविरोधात तक्रार दाखल केली. याबाबत जाब विचारण्यासाठी तरुणांच्या घरी गेल्यानंतर त्यांच्या कुटुंबीयांनी मारहाण करण्यास सुरुवात केली. शेजारच्या काही लोकांनी तिची सुटका केली, असा आरोप तिने केला आहे. पोलिसांनी महिलेची तक्रार दाखल करून घेतली असून, या घटनेची चौकशी सुरू केली आहे.

धक्कादायक! नाशिकमध्ये पतीने पत्नीच्या गळ्यावर केले वस्तऱ्याने वार नागपूर: शिवीगाळ केली; ढाबामालकाचा नोकराने केला खून