नवरीचे केस कापले, डोळ्यांत टाकले फेविक्विक; 'त्याच्या' गर्लफ्रेंडचे कृत्य

नालंदा: नालंदामध्ये भयानक घटना घडली आहे. बॉयफ्रेंडचे लग्न झाल्यानंतर प्रेयसीने रागाने त्याच्या पत्नीचे केस कापले आणि तिच्या डोळ्यांत फेविक्विक टाकले. गावकऱ्यांनी तिला पकडून पोलिसांच्या ताब्यात दिले.

नालंदा जिल्ह्यातील भागनबिगहा पोलीस ठाण्याच्या हद्दीत ही घटना घडली आहे. बॉयफ्रेंडचे लग्न झाल्यानंतर राग अनावर झालेली त्याची गर्लफ्रेंड मंगळवारी रात्री त्यांच्या घरात घुसली. तिने घरात झोपलेल्या नव्या नवरीचे केस कापले. त्यानंतर तिच्या डोळ्यांत फेविक्विक टाकले. त्याचदरम्यान, पीडितीने आरडाओरड केली. तिचा आवाज ऐकून शेजारी धावून आले. त्यांनी आरोपी तरुणीला पकडले आणि बेदम चोप दिला. त्यानंतर तिला पोलिसांच्या हवाली केले. या अचानक झालेल्या हल्ल्यात जखमी झालेल्या महिलेला रुग्णालयात दाखल करण्यात आले आहे. तिच्यावर उपचार सुरु आहेत.

नवरदेवाच्या नातेवाईकांनी सांगितले की, रात्री नवरी खोलीत झोपली होती. मध्यरात्री संबंधित तरूणी तिच्या खोलीत शिरली. आरडाओरड ऐकून आम्ही गेलो. नवविवाहितेची अवस्था पाहून आम्हाला धक्का बसला. त्याचवेळी पळण्याचा प्रयत्न करणाऱ्या तरुणीला पकडून नातेवाईकांनी चोप दिला आणि पोलिसांच्या ताब्यात दिले. मारहाणीत ती तरूणी जखमी झाली होती.

Rekha Jare : रेखा जरे यांच्या हत्येची दिली होती सुपारी

Nagpur Crime: सेक्सला नकार दिल्याने पत्नीची हत्या; नंतर बनाव रचला पण...

फ्लॅटमध्ये सुरू होतं सेक्स रॅकेट; पोलिसांनी 'असा' केला पर्दाफाश