अनैतिक संबंधांत अडथळा ठरत होता पती, हैवान पत्नीने त्याची...

गया: बिहारच्या गया येथे एका महिलेने अनैतिक संबंधांत अडथळा ठरणाऱ्या पतीची निर्घृण हत्या केली. मुफस्सिल पोलीस ठाण्याच्या हद्दीत ही घटना घडली. महिलेने माहेरच्यांच्या मदतीने हे कृत्य केले. महिलेच्या कुटुंबीयांनी आधी तिच्या पतीला बेदम मारहाण केली. त्यानंतर त्याच्या डोळ्यांत, कान आणि नाकात फेव्हिक्विक टाकले. त्यानंतर चाकूने भोसकून हत्या केली. या प्रकरणी पोलिसांनी तिघांना अटक केली.

पोलिसांनी दिलेल्या माहितीनुसार, सलेमपूर येथील मुन्ना गुप्ता याच्या पत्नीचे अन्य तरुणासोबत अनैतिक संबंध होते. याबाबत मुन्नाला समजले. त्याने पत्नी आणि तरुणाला आक्षेपार्ह अवस्थेत पाहिले होते. त्यावेळी दोघांमध्ये भांडणही झाले होते. शुक्रवारी पती-पत्नीमध्ये वाद झाला. त्यावेळी तिने आई, वडील आणि अन्य नातेवाइकांच्या बोलावून मुन्नाला बेदम मारहाण केली.

मुंबई: मालकाशी वाद; ड्रायव्हरनं ३ कोटींच्या ५ बस दिल्या पेटवून

आरोपींनी मुन्नाच्या तोंडात, कानात, नाकात आणि डोळ्यांत फेव्हिक्विक टाकले. त्यानंतर चाकूने भोसकून हत्या केली. शुक्रवारी रात्री त्याचा मृतदेह एका गोणीत भरला. मृतदेह पेटवून देण्यासाठी पेट्रोल खरेदी केले. त्यानंतर रात्री मृतदेह घेऊन ते दुचाकींवरून जात होते. रस्त्यात पोलिसांनी त्यांना बघितले. त्यांनी चौकशी केली असता, ही घटना उजेडात आली. पोलिसांना बघून दुचाकीवरील आरोपी मृतदेह तेथेच टाकून पसार झाले. पोलिसांनी मृताची पत्नी, सासू आणि सासऱ्याला अटक केली. दोन अन्य आरोपींच्या अटकेसाठी छापेमारी सुरू आहे. अटक आरोपींनी गुन्ह्याची कबुली दिली आहे.