मुंबई: बुल्लीबाई अॅप (Bulli Bai app) प्रकरणात मुंबई सायबर पोलिसांनी (Mumbai Police) कारवाईचा धडाका सुरूच ठेवला आहे. एका इंजिनीअर तरूणाला अटक केल्यानंतर, या सगळ्या प्रकरणातील मुख्य सूत्रधार असलेल्या महिला आरोपीलाही ताब्यात घेतले होते. हा तपास सुरू असतानाच या प्रकरणात आता तिसरी अटक केली आहे. बुल्लीबाई अॅपद्वारे मुस्लीम महिलांचे आक्षेपार्ह फोटो आणि त्यांची बोली लावली जात असल्याचा प्रकार उघडकीस आल्यानंतर, मुंबई पोलिसांच्या सायबर सेलने धडक कारवाई सुरू केली आहे. या प्रकरणात पोलिसांच्या पथकाने तिसरी अटक केली आहे. मयांक अग्रवाल असे या तरूणाचे नाव असून, त्याला उत्तराखंड येथून अटक केली आहे. याआधी बंगळूरूतून विशाल आणि उत्तराखंड येथील महिला श्वेता सिंग या दोघांना अटक केली होती. दरम्यान, या प्रकरणातील तिसरा आरोपी मयांक याला अटक केली असून, यासंदर्भात मुंबईचे पोलीस आयुक्त हेमंत नगराळे यांची दुपारी पत्रकार परिषद असून, ते सविस्तर माहिती देणार आहेत.
तरूणी निघाली मास्टरमाइंड
बुल्लीबाई अॅप प्रकरणी मुंबई पोलिसांच्या सायबर सेलनं उत्तराखंड येथून १८ वर्षीय श्वेता सिंह या तरूणीला ताब्यात घेतले. ट्रांझिट रिमांडची प्रक्रिया पूर्ण झाल्यानंतर तिला मुंबईत आणण्यात येईल. ही तरुणी या संपूर्ण प्रकरणामागील मास्टरमाइंड असल्याचा संशय आहे. तिच्या चौकशीतून अनेक धक्कादायक बाबी समोर येतील, असे सांगितले जात आहे. यापूर्वी विशाल कुमार या इंजिनीअरिंगच्या विद्यार्थ्याला बेंगळुरूतून ताब्यात घेतले होते. त्याच्या चौकशीनंतर अटक करण्यात आली. काल त्याला मुंबईतील कोर्टात हजर करण्यात आले असता, १० जानेवारीपर्यंत पोलीस कोठडी देण्यात आली. विशालकुमार हा श्वेताचा मित्र असल्याचेही उघड झाले आहे.
१०० महिलांना केलं टार्गेट
बुल्लीबाई अॅपच्या माध्यमातून सोशल मीडियात सक्रिय असलेल्या १०० महिलांना लक्ष्य करण्यात आले होते. त्यांचे आक्षेपार्ह फोटो टाकण्यात आले होते. तसेच त्यावर किंमत टाकून त्यांची बोली लावल्याचा धक्कादायक प्रकार समोर आला होता. एका पीडितेने याबाबत दिल्लीत तक्रार केली होती. या प्रकरणी मुंबई पोलीस आणि दिल्ली पोलिसांत गुन्हा दाखल करण्यात आला होता. मुंबई पोलिसांच्या सायबर सेलने या प्रकरणाचा तपास सुरू केला. त्यानंतर या प्रकरणात आता तिसरी अटक केली आहे. धार्मिक तेढ निर्माण करण्याच्या उद्देशाने हे कृत्य केले असावे, असा संशय व्यक्त केला जात आहे.
तरूणी निघाली मास्टरमाइंड
बुल्लीबाई अॅप प्रकरणी मुंबई पोलिसांच्या सायबर सेलनं उत्तराखंड येथून १८ वर्षीय श्वेता सिंह या तरूणीला ताब्यात घेतले. ट्रांझिट रिमांडची प्रक्रिया पूर्ण झाल्यानंतर तिला मुंबईत आणण्यात येईल. ही तरुणी या संपूर्ण प्रकरणामागील मास्टरमाइंड असल्याचा संशय आहे. तिच्या चौकशीतून अनेक धक्कादायक बाबी समोर येतील, असे सांगितले जात आहे. यापूर्वी विशाल कुमार या इंजिनीअरिंगच्या विद्यार्थ्याला बेंगळुरूतून ताब्यात घेतले होते. त्याच्या चौकशीनंतर अटक करण्यात आली. काल त्याला मुंबईतील कोर्टात हजर करण्यात आले असता, १० जानेवारीपर्यंत पोलीस कोठडी देण्यात आली. विशालकुमार हा श्वेताचा मित्र असल्याचेही उघड झाले आहे.
१०० महिलांना केलं टार्गेट
बुल्लीबाई अॅपच्या माध्यमातून सोशल मीडियात सक्रिय असलेल्या १०० महिलांना लक्ष्य करण्यात आले होते. त्यांचे आक्षेपार्ह फोटो टाकण्यात आले होते. तसेच त्यावर किंमत टाकून त्यांची बोली लावल्याचा धक्कादायक प्रकार समोर आला होता. एका पीडितेने याबाबत दिल्लीत तक्रार केली होती. या प्रकरणी मुंबई पोलीस आणि दिल्ली पोलिसांत गुन्हा दाखल करण्यात आला होता. मुंबई पोलिसांच्या सायबर सेलने या प्रकरणाचा तपास सुरू केला. त्यानंतर या प्रकरणात आता तिसरी अटक केली आहे. धार्मिक तेढ निर्माण करण्याच्या उद्देशाने हे कृत्य केले असावे, असा संशय व्यक्त केला जात आहे.