महिलेसमोर हस्तमैथुन करणारा पोलीस अधिकारी अटकेत; १४ दिवसांची कोठडी

लखनऊ: पोलीस ठाण्यात तक्रार नोंदवण्यासाठी आलेल्या महिलेसमोरच हस्तमैथुन करणाऱ्या पोलीस अधिकाऱ्याला अटक केल्यानंतर त्याला न्यायालयात हजर करण्यात आले. त्याला न्यायालयाने १४ दिवसांची न्यायालयीन कोठडी सुनावली आहे. बुधवारी रात्री आरोपी पोलीस अधिकाऱ्याला अटक करण्यात आली होती.

देवरिया जिल्ह्यातील भटनी पोलीस ठाण्यात जमिनीचा वादावरून तक्रार नोंदवण्यासाठी एक महिला आली होती. त्यावेळी ती पोलीस ठाण्याचे अधिकारी भीष्मपाल सिंह यादव यांच्याकडे घडलेला प्रकार सांगत होती. त्याचवेळी अधिकाऱ्याने तिच्यासमोरच अश्लिल चाळे करण्यास सुरुवात केली. तिच्यासोबत मुलगी होती. तिने या लज्जास्पद प्रकाराचा व्हिडिओ काढला. हा व्हिडिओ सोशल मीडियावर व्हायरल झाल्यानंतर खळबळ माजली होती. महिलेने या प्रकरणी पोलीस ठाण्यात तक्रार नोंदवल्यानंतर हा अधिकारी फरार झाला होता. या घटनेनंतर संताप व्यक्त करण्यात येत होता. या अधिकाऱ्यावर कारवाई करण्यात यावी, अशी मागणी जोर धरू लागली होती. अखेर पोलीस प्रशासनाने या अधिकाऱ्याला निलंबित केले होते.

पोलीस अधिकाऱ्यानं महिलेसमोरच केलं हस्तमैथुन; व्हिडिओ व्हायरल

धक्कादायक! मुंबईच्या जे. जे. रुग्णालयात महिला डॉक्टरचा वॉर्डबॉयकडून विनयभंग

घटनेनंतर फरार झालेल्या भीष्मपाल सिंह यादव याला बुधवारी रात्री उशिरा पोलिसांनी अटक केली होती. चौकशी दरम्यान आपण निर्दोष असल्याचे तो सांगत होता. मात्र, व्हिडिओमध्ये त्याने हे कृत्य केल्याचं स्पष्ट दिसत होतं. अॅलर्जी झाल्याने आपण लिंगावर औषध लावत होतो, असं कारण या पोलीस अधिकाऱ्याने चौकशीदरम्यान दिलं. या प्रकरणाचा तपास विभागीय अधिकाऱ्याकडे सोपवण्यात आला आहे, अशी माहिती पोलिसांनी दिली.

दरम्यान, देवरियाचे पोलीस अधीक्षक श्रीपती मिश्रा यांनी तक्रारदार महिलेची तिच्या घरी जाऊन भेट घेतली. आरोपी भीष्मपाल सिंह याने केलेल्या कृत्याबद्दल पोलीस प्रशासनाच्या वतीने त्यांनी महिलेकडे दिलगिरी व्यक्त केली.

महिलेसमोर अश्लील चाळे करणारा इन्स्पेक्टर फरार, २५ हजार 'इनाम' वर्ध्यात खळबळ; पत्नीवर गोळ्या झाडल्यानंतर लष्कराच्या जवानाची आत्महत्या

काय घडलं होतं नेमकं?

संपत्तीचा वादावरून तक्रार नोंदवण्यासाठी संबंधित महिला भटनी पोलीस ठाण्यात गेली होती. २२ जून रोजी ती पोलीस ठाण्यात गेली. तिच्यासोबत तिची मुलगीही होती. भीष्मपाल सिंह त्यावेळी पोलीस ठाण्यात होता. संपत्तीच्या वादाबाबत त्यांना माहिती देत होती. थोड्या वेळाने भीष्मपाल या महिलेसमोरच अश्लिल चाळे करू लागला. ही बाब तिच्या लक्षात आली. हा प्रकार सुरू असताना, महिलेसोबत असलेल्या मुलीने व्हिडिओ काढला. त्यानंतर घरी जाऊन तिने कुटुंबातील सदस्यांना दाखवला. शेजारील व्यक्तींनाही हा व्हिडिओ दाखवला. त्यातील एकाने हा व्हिडिओ सोशल मीडियावर अपलोड करून हे प्रकरण जगासमोर आणले. हा व्हिडिओ व्हायरल झाल्यानंतर लोकांनी संताप व्यक्त केला. घाणेरडं कृत्य करणाऱ्या या पोलीस अधिकाऱ्याविरोधात कारवाई करण्यात यावी, अशी मागणी होऊ लागली. अखेर पोलीस प्रशासनाने त्याची दखल घेऊन आरोपी पोलीस अधिकाऱ्याला निलंबित केले. तसेच त्याच्याविरोधात गुन्हा दाखल केला.