Bengaluru: कोविड हॉस्पिटलमध्ये महिलेसोबत घडलं भयानक; डॉक्टरने केला विनयभंग

बेंगळुरू: करोनाबाधितांवर उपचारासाठी सुविधा सुरू केलेल्या बेंगळुरूतील व्हिक्टोरिया रुग्णालयातील एका करोनाचा संसर्ग झालेल्या महिला रुग्णाचा ट्रामा केअर सेंटरमधील डॉक्टरने विनयभंग केल्याची धक्कादायक घटना उघडकीस आली आहे. महिलेचा विनयभंग करणाऱ्या डॉक्टरची ओळख अद्याप पटू शकलेली नाही. पोलिसांनी अज्ञात डॉक्टरविरोधात गुन्हा दाखल केला आहे.

व्हिक्टोरिया रुग्णालयात करोनाबाधित रुग्णांवर उपचार केले जात आहेत. २५ जुलैच्या रात्री साधारण दहा वाजताच्या सुमारास एका करोनाबाधित रुग्ण महिलेचा एका डॉक्टरने विनयभंग केला. संशयित आरोपी डॉक्टरने महिलेसोबत अश्लिल चाळे केले. याबाबत तिनं रुग्णालय व्यवस्थापनाला सांगितले. त्यानंतर रुग्णालयाने पोलिसांत तक्रार दाखल केली. या तक्रारीवरून अज्ञात डॉक्टरविरोधात गुन्हा नोंदवण्यात आला आहे.

Madhya pradesh: पतीसमोरच पत्नी आणि १२ वर्षीय मुलीवर सामूहिक बलात्कार

पुणे: पत्नीवर संशय; निर्दयी पित्यानं बाळाला विहिरीत फेकले

महिला रुग्णाला कोविड रुग्णालयात आलेला भयानक अनुभव तिनं डॉ. असिमा बानू यांना सांगितला. बानू या करोना वॉर्डाच्या नोडल अधिकारी म्हणून काम पाहतात. त्यांनी तातडीने या घटनेबाबत रुग्णालय व्यवस्थापनाला कळवले. त्यानंतर व्हिक्टोरिया रुग्णालयाच्या ट्रामा केअर सेंटरचे विशेष अधिकारी डॉ. एस. बालाजी पै यांनी पोलिसांत तक्रार दाखल केली. पोलिसांच्या माहितीनुसार, रुग्णालयाकडून या घटनेबाबत पुरेशी माहिती मिळू शकलेली नाही. तसेच संशयित डॉक्टरचं नावही कळू शकलेलं नाही. विभागीय चौकशी सुरू असून, काही दिवसांत सर्व माहिती दिली जाईल, असे रुग्णालयाकडून सांगण्यात आले आहे.

राजस्थान हादरले; १३ वर्षीय विद्यार्थिनीवर १० शिक्षकांनी केला बलात्कार

लॉकडाउनमुळे ४ महिन्यांचे भाडे थकले; घरमालकाने केली भाडेकरूला मारहाण

या घटनेबाबत मी माहिती देऊ शकत नाही. तसे अधिकार मला नाहीत, असे डॉ. पै यांनी सांगितले. तर या घटनेची चौकशी करण्यासाठी समिती नेमली आहे. ही समिती या प्रकरणी दोन दिवसांत अहवाल देईल, अशी माहिती वैद्यकीय अधीक्षक डॉ. रमेश कृष्णा यांनी दिली.