Crime Diary : पत्नीच्या डोळ्यासमोर होतं सगळं पण फसली; पतीचा मित्र, रक्ताने माखलेले कपडे अन् धाड...धाड...धाड

कानपूर : घरातून निघालेले डॉक्टर पती घरी परतलेच नाहीत. त्यांची खूप वाट पाहिली पण त्यांचा शोध लागला नाही. अखेर पतीला शोधण्यासाठी पत्नी त्यांच्या अगदी जवळच्या मित्राच्या घरी पोहचली. यावेळी रात्रीची वेळ असल्याने जाताना तिने आपल्या बहिणीलाही सोबत नेलं. दोघीजणी स्कूटीने उशिरा पतीच्या मित्राच्या घरी पोहोचल्या. तेव्हा त्यांनी घराच्या दारात आगीचा लोळ पाहिला. यावेळी मित्र रक्ताने माखलेले कपडे जाळत असल्याचं त्यांनी पाहिलं आणि इथूनच खुलली हत्येची थरकाप उडवणारी मिस्ट्री....

उत्तर प्रदेशातील कानपूरमधून ही एक धक्कादायक घटना समोर आली आहे. सर्वात चांगला मित्र ज्याच्यावर दंत शल्यचिकित्सक असलेले डॉ. गौरव यांचा सर्वात जास्त विश्वास होता. त्याच मित्राने (हवाई दलातील जवान) त्यांची निघृण हत्या केली. डॉ. गौरव हे एअरफोर्स सार्जंट मुदित श्रीवास्तव या त्यांच्या मित्राच्या घरी गेले असता मुदित याने थेट त्यांच्या गोळ्या झाडून हत्या केली. मुदितचे कारनामे इथवरच थांबले नाहीत तर यानंतर त्याने आणखी भयंकर कृत्य केलं.

Crime Diary: रोज थोडं-थोडं करून पतीला जीव घेतला, पुरावाही नाही ठेवला; वाचा सायलंट किलर 'सौ'ची कहाणी...
अधिक माहितीनुसार, डॉ. गौरव घरी पोहोचले नाही म्हणून त्यांची पत्नी प्रियंका चिंतेत होती. त्यामुळे प्रियंका आपल्या बहिणीसह स्कूटीने रात्री उशिरा मुदितच्या घरी पोहोचली, त्यावेळी मुदित रक्ताने माखलेले कपडे जाळत असल्याचं त्यांनी पाहिलं. हा प्रकार पाहून त्या घाबरल्या पण कोणाचे कपडे जळत आहात असं प्रियांकाने विचारले असता आजारी मुलीचे कपडे खराब झाले आहेत, ते जळत असल्याचं मुदितने सांगितलं.

प्रियांका यांनी पती सापडत नसल्याचं मुदित यांना सांगितलं. यानंतर या खूनी मित्राने आरामात अंघोळ केली आणि नंतर रात्री ११.३० वाजता प्रियंका आणि तिच्या बहिणीसह चकेरी पोलीस ठाण्यात पोहोचले. पण बेपत्ता झाल्याच्या २४ तासांनंतरच अहवाल दाखल करता येईल, असे सांगून चकेरी पोलिसांनी प्रकरणाकडे दुर्लक्ष केलं. दुसऱ्या दिवशी, मंगळवारी (१४ मार्च) प्रियंका आपली तक्रार नोंदवण्यासाठी नौबस्ता पोलिस ठाण्यात पोहोचली.

वैष्णोदेवीच्या दर्शनाला गेलेल्या पतीची गर्भवती पत्नी पाहत होती वाट, तेवढ्यात आला रावसाहेब दानवेंचा फोन कॉल...
नौबस्ता पोलिसांनीही थांबवले होते. दरम्यान, चकेरी पोलिसांनी फोन करू गौरव यांचं शेवटचं लोकेशन सापडल्याचा फोन केला. यानंतर संपूर्ण प्रकरणाला वेगळं वळण लागलं. रुमा इथं त्यांचं फायनल लोकेशन सापडलं असल्याचं पोलिसांना कळलं. यानंतर प्रियंका सिंगने एसीपी अमरनाथ यांची भेट घेतली आणि एसीपीच्या आदेशानुसार बेपत्ता व्यक्तीची नोंद पोलिसांत करण्यात आली.

पोलिसांना कसा आला संशय...

डीसीपी पुर्वी रवींद्र कुमार यांच्या म्हणण्यानुसार, मुदितची चौकशी केली असता त्याच्या विधानांमध्ये आणि सीडीआरच्या तपशीलांमध्ये तफावत जाणवली. त्यामुळे मुदित श्रीवास्तव याच्यावरील पोलिसांचा संशय बळावला. मुदितने गौरवला चकेरी इथं सोडल्याचं प्रियांकाला सांगितलं होतं. मात्र, डॉ. गौरवचे शेवटचे लोकेशन मुदितच्या खोलीजवळ सापडले. म्हणजेच मुदितही घटनास्थळी उपस्थित होता. यानंतर पोलिसांचा संशय आणखी बळावला आणि त्यांनी वेगळ्या पद्धतीने सत्य जाणून घेण्याचा प्रयत्न केला.

Crime Diary : रिप्लाय नाही दिला तर मारेन, सुसाईड नोटही रागात लिहली की पेनाची निब तुटली; मृत्यूचं भयानक गुढ
पोलिसांनी मुदितची कसून चौकशी केली आणि पोलीसी खाक्या दाखवताच त्याने खुनाची कबुली दिली. त्याचं 'डॉक्टरच्या पत्नीशी प्रेमसंबंध होते, ज्याची माहिती डॉ. गौरव सिंग यांना मिळाली होती. गौरव मला मारण्याचा प्रयत्न करत होता. त्यामुळेच त्याला मी मार्गावरून हटवलं' असं मुदितने पोलिसांना सांगितलं.

डॉक्टरांच्या पत्नीचा आरोप...

प्रियांकाने पोलिसांना दिलेल्या माहितीनुसार, डॉ. गौरव सिंग हे घरातून निघाले तेव्हा त्यांच्या गाडीत साडे सात लाख रुपये ठेवले होते. गाडीतील साडेसात लाख रुपये सापडले नाहीत. इतकंच नाहीतर आरोपीही पैशांबाबत काहीही सांगण्यास तयार नाही. चकेरी पोलीस ठाण्याचे प्रभारी रत्नेश सिंह यांनी सांगितले की, आरोपीवर खूनाचा गुन्हा दाखल केला असून त्याची रवानगी पोलीस कोठडीत करण्यात आली आहे. तर पोलीस आता या घटनेचा पुढील तपास करत आहे. दरम्यान, पैशांसाठीच मुदितने गौरव यांची हत्या केल्याचं पोलीस तपासात समोर आलं आहे.

मुख्यमंत्र्यांना केलं ट्विट ...

डॉ. गौरव सिंह यांच्या पत्नीने मुख्यमंत्री योगी आदित्यनाथ यांना ट्विट केलं आहे. ट्विट करून प्रियांकाने लिहिले की, 'मारेकऱ्याला पैसे परत करायचे नाहीत. त्यामुळे तो पोलिसांना खोटी कथा सांगत आहे. बदनामीचे षडयंत्र रचत आहे.' प्रियांका यांनी कानपूर पोलीस, डीजीपी यूपी आणि मुख्यमंत्री योगी आदित्यनाथ यांना ट्विट करून माहिती दिली आहे.

Crime Diary: पतीचे ५, सासूचे ३ तुकडे; फ्रीजमध्ये गोठवले अन्...; भोळ्या चेहऱ्यामागे थरकाप उडवणारा खूनी खेळ

काय आहे नेमकं प्रकरण...

उन्नाव आवास विकास येथील रहिवासी डॉ. गौरव सिंग हे दंत शल्यचिकित्सक आहेत. डॉ. गौरव सिंग सोमवारी (१३ मार्च) पत्नी प्रियांका सिंगसोबत क्रेटा कारमधून नौबस्ता राजीव विहार इथे सासरच्या घरी आले होते. पत्नीला तिच्या माहेरच्या घरी सोडल्यानंतर, डॉ. गौरव अहिरवण इथल्या रहिवासी वायुसेना कर्मचारी मुदित श्रीवास्तव यांना भेटण्यास सांगून निघून गेले. मुदित श्रीवास्तव हवाई दलात सार्जंट म्हणून तैनात आहेत. मुळात डॉ. गौरव ज्या परिसरात राहत होते त्याच भागातील रहिवासी आहेत. दोघांची मैत्री खूप जुनी होती. पण पैशांसाठी सगळं काही संपलं.