लोहाराकडून चाकू खरेदी, तीन दिवस रेकी; पत्नी आणि तिच्या प्रियकरावर भरबाजारात सपासप वार

भोपाळ: मध्य प्रदेशच्या भोपाळमधील अशोका गार्डन परिसरात दुहेरी हत्याकांड घडलं आहे. एका पतीनं पत्नी आणि तिच्या प्रियकराची भरबाजारात चाकूनं सपासप वार करून हत्या केली. या दरम्यान महिलेच्या कुशीतून तिची लेक रस्त्यावर पडली. आईवर होत असलेला हल्ला ती पाहत होती आणि ओक्साबोक्सी रडत होती. ही घटना पाहून तिथे असलेल्या अनेकांचे डोळे पाणावले. तिथून जात असलेल्या वाटसरूंनी आरोपीला पकडून पोलिसांच्या ताब्यात दिलं.

कैलाश नगरच्या सेमरा परिसरात असलेल्या सेमरामध्ये सोमवारी रात्री एका व्यक्तीनं पत्नी आणि तिच्या प्रियकराची चाकू भोसकून हत्या केली. मृत महिला तिच्या पतीला सोडून प्रियकरासोबत लिव्ह-इन रिलेशनशीपमध्ये राहत होती, अशी माहिती अशोका गार्डन पोलीस ठाण्याचे प्रभारी आलोक श्रीवास्तव यांनी दिली.

मृत महिला विदिशा जिल्ह्यात वास्तव्यास होती. आपल्या ५ वर्षांच्या मुलीसोबत ती भोपाळला आली होती आणि प्रियकरासोबत सेमरा परिसरात राहत होती. याची माहिती तिच्या पतीला मिळाली. त्यानंतर तो भोपाळला पोहोचला. तीन दिवस त्यानं रेकी केली. पत्नी कुठे राहते, कुठे जाते याची माहिती त्यानं मिळवली. सोमवारी रात्री त्यानं डाव साधला आणि दोघांची हत्या केली. पत्नी आणि तिच्या प्रियकराचा जागीच मृत्यू झाला.
Fraud Marriage Case: एकाच कॉलनीतील तिघींशी थाटला संसार; सात लग्न करून भामटा झाला पसार
पतीनं पत्नीवर चाकूनं वार केले. त्यावेळी तिची ५ वर्षांची मुलगी कुशीतून खाली पडली आणि रडू लागली. आरोपीनं मुलीला काही केलं नाही. मात्र तिच्यासमोरच पत्नीवर चाकूनं सपासप वार केले. आरोपीनं आधी पत्नीच्या लिव्ह-इन पार्टनरच्या गळ्यावर आणि पोटावर चाकूनं हल्ला केला. त्यानंतर पत्नीच्या पोटात सुरा खुपसला. भरबाजारात ही घटना घडल्यानं एकच खळबळ उडाली.

पत्नी आणि तिच्या प्रियकराची हत्या केल्यानंतर आरोपीनं तिथून पळून जाण्याचा प्रयत्न केला. मात्र बाजारात असलेल्या काही जणांनी त्याला पकडलं आणि पोलिसांना बोलावलं. काही वेळातच पोलीस घटनास्थळी पोहोचले आणि आरोपी पतीला अटक केली.
घरभाडे थकवले, १५ दिवस हॉटेलात काढले; शॉपिंगवेड्या अकाऊंटंटचा प्रताप पाहून पोलीस चक्रावले
पत्नीचा लिव्ह-इन पार्टनर त्याच्या ओळखीचा होता, अशी माहिती आरोपी पतीनं पोलीस चौकशीत दिली. गेल्या काही महिन्यांपासून दोघांमधील संवाद वाढला होता. याबद्दल पतीनं अनेकदा आक्षेप नोंदवला. मात्र दोघांवर त्याचा कोणताच परिणाम झाला नाही. महिनाभरापूर्वी पत्नीनं पतीचं घर सोडलं आणि ती प्रियकराकडे राहू लागली. आरोपीनं रविवारी एका लोहाराकडून चाकू खरेदी केला आणि सोमवारी पत्नीवर जीवघेणा हल्ला केला.