प्रसिद्ध यू-ट्युबर बनला गुन्हेगार; तरुणीच्या भावाला घातल्या गोळ्या

नोएडा: उत्तर प्रदेशातील नोएडा सेक्टर ३२ मध्ये कमल शर्मा या तरुणाची हत्या करण्यात आली होती. सेक्टर २४ पोलिसांनी या प्रकरणी तीन आरोपींना अटक केली आहे. अटक केलेल्या आरोपींमध्ये बाइक स्टंट करणाऱ्या यू-ट्युबरचा समावेश आहे. प्रेमात अडथळा आणत असल्याने त्याने कमलची हत्या केली.

निठारी गावातील रहिवासी कमलची गोळ्या घालून हत्या करण्यात आल्याचे शवविच्छेदन अहवालात स्पष्ट झाले आहे. तरुणाच्या काकाने या प्रकरणी सेक्टर २४ पोलीस ठाण्यात तक्रार दाखल केली होती. त्यानंतर हल्लेखोरांविरोधात हत्येचा गुन्हा दाखल करण्यात आला होता. सोमवारी दुपारी पोलिसांनी या हत्येत सामील असलेल्या निजामुल खान, सुमित शर्मा आणि अमित गुप्ता याला अटक केली. त्यांच्याकडून हत्या करण्यासाठी वापरण्यात आलेली शस्त्रे हस्तगत केली आहेत, अशी माहिती पोलिसांनी दिली.

कमलच्या बहिणीसोबत होते प्रेमसंबंध

पोलीस अधिकाऱ्यांनी सांगितले की, निजामुल हा एक प्रसिद्ध यू-ट्युबर आहे. अटक केलेल्या आरोपींमधील एकाचे कमलच्या बहिणीसोबत प्रेमसंबंध होते. कमलचा त्यांच्या प्रेमाला विरोध होता. त्यामुळे त्यांनी ही हत्या घडवून आणली.

काय घडलं नेमकं?

इस्कॉन मंदिराजवळ गेल्या बुधवारी रात्री उशिरा काही जणांनी निठारी गावातील कमलची गोळ्या घालून हत्या केली. काही नागरिकांनी कमलला रुग्णालयात नेले. तेथे डॉक्टरांनी त्याला मृत घोषित केले. फोन कॉलच्या आधारे पोलिसांनी काही जणांना संशयित म्हणून ताब्यात घेतले. या घटनेमुळे संतापलेल्या गावकऱ्यांनी मृतदेह चौकात ठेवून रास्ता रोको केला होता.

मुंबईच्या कंपनीने बँकेची १७ कोटींची 'अशी' केली फसवणूक

विवाहिता बेपत्ता; माहेरच्यांनी मुलीच्या सासरी येऊन केला राडा

Pimpri: दारूच्या नशेत वडिलांच्या डोक्यात हंडा घालून खून