म. टा. वृत्तसेवा, गडचिरोली
अहेरी येथे पोलिस दलात कार्यरत जवानाने कौटुंबिक वादातून सासऱ्याची गोळया झाडून हत्या केली. मारोती मट्टामी असे मृतकाचे नाव आहे. पोलिस मनोज गावडे याचे चामोर्शी येथील मारोती मट्टामी यांच्या मुलीसोबत लग्न झाले आहे. लग्नानंतर जावई आणि मुलगी यांच्यात वाद सुरू असल्याने बुधवारी मारोती मट्टामी मुलीकडे भेटायला आले होते. रात्री जावई आणि सासरा यांच्यातील वाद विकोपाला गेला. रागाच्या भरात मनोजने आपल्याकडे असलेल्या बंदुकीतून सासऱ्यावर गोळी झाडली. त्यात त्यांचा मृत्यू झाला. मध्यरात्री हा प्रकार कळताच परिसरातील नागरिक गोळा झाले. दरम्यान, पोलिस मनोज गावडेला पोलिसांनी अटक केली आहे. उपविभागीय पोलिस अधिकारी अमोल ठाकूर यांच्या मार्गदर्शनाखाली तपास सुरु आहे.
गडचिरोलीत सामाजिक कार्यकर्त्याचा खून
गडचिरोली शहरातील सामाजिक कार्यकर्ते दुर्योधन रायपुरे यांची अज्ञात मारेकऱ्यांनी हत्या केल्याची घटना घडली. रायपुरे हे फुले वॉर्डमध्ये राहत होते. बुधवारी रात्री जेवण करून घरात झोपले होते. गुरुवारी सकाळी त्यांच्या घराचे दार उघडे दिसल्याने नातेवाइकांनी घरात जाऊन पाहिल्यानंतर खाटेवर त्यांचा मृतदेह आढळला. घटनेची माहिती गडचिरोली शहर पोलिसांना देण्यात आली. उपविभागीय पोलिस अधिकारी प्रणील गिल्डा आणि प्रभारी पोलिस निरीक्षक प्रमोद बानबले घटनास्थळी दाखल झाले. पोलिसांनी श्वान पथकाला पाचारण केले. श्वान पथकाने त्या परिसरात शोध घेतला पण मारेकऱ्याचा शोध लागला नाही. सामाजिक कार्यकर्ते रायपुरेंच्या हत्येने शहरात खळबळ उडाली आहे.
अहेरी येथे पोलिस दलात कार्यरत जवानाने कौटुंबिक वादातून सासऱ्याची गोळया झाडून हत्या केली. मारोती मट्टामी असे मृतकाचे नाव आहे. पोलिस मनोज गावडे याचे चामोर्शी येथील मारोती मट्टामी यांच्या मुलीसोबत लग्न झाले आहे. लग्नानंतर जावई आणि मुलगी यांच्यात वाद सुरू असल्याने बुधवारी मारोती मट्टामी मुलीकडे भेटायला आले होते. रात्री जावई आणि सासरा यांच्यातील वाद विकोपाला गेला. रागाच्या भरात मनोजने आपल्याकडे असलेल्या बंदुकीतून सासऱ्यावर गोळी झाडली. त्यात त्यांचा मृत्यू झाला. मध्यरात्री हा प्रकार कळताच परिसरातील नागरिक गोळा झाले. दरम्यान, पोलिस मनोज गावडेला पोलिसांनी अटक केली आहे. उपविभागीय पोलिस अधिकारी अमोल ठाकूर यांच्या मार्गदर्शनाखाली तपास सुरु आहे.
गडचिरोलीत सामाजिक कार्यकर्त्याचा खून
गडचिरोली शहरातील सामाजिक कार्यकर्ते दुर्योधन रायपुरे यांची अज्ञात मारेकऱ्यांनी हत्या केल्याची घटना घडली. रायपुरे हे फुले वॉर्डमध्ये राहत होते. बुधवारी रात्री जेवण करून घरात झोपले होते. गुरुवारी सकाळी त्यांच्या घराचे दार उघडे दिसल्याने नातेवाइकांनी घरात जाऊन पाहिल्यानंतर खाटेवर त्यांचा मृतदेह आढळला. घटनेची माहिती गडचिरोली शहर पोलिसांना देण्यात आली. उपविभागीय पोलिस अधिकारी प्रणील गिल्डा आणि प्रभारी पोलिस निरीक्षक प्रमोद बानबले घटनास्थळी दाखल झाले. पोलिसांनी श्वान पथकाला पाचारण केले. श्वान पथकाने त्या परिसरात शोध घेतला पण मारेकऱ्याचा शोध लागला नाही. सामाजिक कार्यकर्ते रायपुरेंच्या हत्येने शहरात खळबळ उडाली आहे.