फिल्मी स्टाइल गँगवॉर; २ किमी पाठलाग करून प्रॉपर्टी डीलरला घातल्या गोळ्या

गोरखपूर: गोरखपूर शहरात सोमवारी दुपारी प्रॉपर्टी डीलरचे दोन गट सिंघाडियामध्ये भिडले. हाणामारीनंतर दोन्ही गटांकडून गोळीबार करण्यात आला. त्यानंतर दुचाकीवरून पळून जाणाऱ्या प्रॉपर्टी डीलरचा दोन किलोमीटरपर्यंत पाठलाग करून मोहद्दीपूरमध्ये भररस्त्यात त्याला गोळ्या घातल्या. भरदिवसा घडलेल्या या गँगवॉरनंतर परिसरात खळबळ माजली.

टोळीयुद्धानंतर आरोपी दुचाकी आणि कारमधून फरार झाले. जखमी अवस्थेत प्रॉपर्टी डीलरला त्याचे साथीदार जिल्हा रुग्णालयात घेऊन गेले. तेथून मेडिकल कॉलेज रुग्णालयात दाखल करण्यात आले. पोलीस आणि क्राइम ब्रांच अधिकारी आरोपींचा शोध घेत असून, ठिकठिकाणी छापेमारी करण्यात येत आहे.

खोराबार येथील रहिवासी सुनील पासवान आणि भगत चौराहा येथील जितेंद्र यादव हे दोघेही प्रॉपर्टी डीलर आहेत. दोघांमध्ये एका जमिनीच्या व्यवहारावरून वाद सुरू आहेत. यावरून दोन दिवसांपूर्वी दोन्ही गटांमध्ये बाचाबाची झाली होती. सोमवारी सुनील पासवान आपल्या साथीदारांसोबत कारमधून शहराकडे येत होता. कँट परिसरात बिशुनपुरवा येथील वळणावर जितेंद्र यादव आणि त्याच्या साथीदारांनी पासवान याला घेरले. त्यांच्यात पुन्हा बाचाबाची झाल्यानंतर दोन्ही बाजूने गोळीबार करण्यात आला. त्याचवेळी सुनील याने आपल्या साथीदारांना फोन करून बोलावून घेतले. त्याचे साथीदार दुचाकी घेऊन निघाले. सुनील आणि त्याच्या साथीदारांनी जितेंद्रचा पाठलाग केला. मोहद्दीपूरमध्ये आरकेबीकेजवळ जितेंद्रला पकडून भररस्त्यात मारहाण करण्यात आली. तसेच त्याला गोळ्या घातल्या.

घटनेनंतर हल्लेखोर तेथून पसार झाले. जितेंद्रने फोन केल्यानंतर साथीदार घटनास्थळी आले. त्यांनी त्याला जिल्हा रुग्णालयात नेले. तेथून मेडिकल कॉलेजमध्ये दाखल केले. घटनेची माहिती मिळताच पोलीस अधिकारी कर्मचाऱ्यांसह घटनास्थळी पोहोचले. तेथे एक दुचाकी, कारचे तुटलेले पार्ट आढळून आले. हल्लेखोरांचा शोध घेण्यात येत आहे. लवकरच त्यांना अटक करण्यात येईल, असे पोलिसांनी सांगितले.

आणखी बातम्या वाचा:

मुंबईहून २ मॉडेल्सना इव्हेंटसाठी बोलावले, इंदूरमध्ये सामूहिक बलात्कार

वहिनीने केला 'हा' गंभीर आरोप, मानसिकदृष्ट्या खचलेल्या दिराने केली आत्महत्या

थरारक! तरुणाच्या डोळ्यांत मिरचीपूड फेकली, तलवारीने सपासप वार

तरुणीवर तृतीयपंथीयाने केले अनैसर्गिक अत्याचार

पुण्यातील पोलीस मुख्यालयात महिला पोलिसांमध्ये हाणामारी