व्हर्च्युअल सुनावणीवेळी वकील ओढत होता सिगारेट, हायकोर्टाने 'या' शब्दांत फटकारले

अहमदाबाद: हायकोर्टाच्या व्हर्च्युअल सुनावणीदरम्यान सिगारेट ओढणाऱ्या वकिलाला कोर्टाने चांगलेच फटकारले. गुजरातमध्ये हा प्रकार घडला. कोर्टाने वकिलाला १० हजार रुपयांचा दंड ठोठावला. वकिलाचे हे कृत्य बेजबाबदारपणाचे आहे, असेही कोर्टाने म्हटले.

एका जामीन अर्जावर हायकोर्टात व्हर्च्युअल सुनावणी सुरू होती. वकील जे. व्ही. अजमेरा हे आपल्या कारमध्ये बसून या सुनावणीत सहभागी झाले होते. व्हिडिओ कॉन्फरन्सिंगदरम्यान अजमेरा हे सिगारेट ओढत असल्याचे निदर्शनास आले. न्या. ए. एस. सुपेहिया यांनी त्यांना चांगलेच फटकारले. कोर्टाचे कामकाज सुरू असताना अशा प्रकारचे कृत्य वकिलाकडून अपेक्षित नाही. वकिलाच्या या कृत्याचा कठोर शब्दांत निषेध करायला हवा. एक वकील व्हिडिओ कॉन्फरन्सिंगद्वारे कोर्टाच्या सुनावणीत सहभागी होत असले, तरी त्यांनी कोर्टाचा सन्मान राखला पाहिजे, असे न्या. सुपेहिया म्हणाले.

व्हिडिओ कॉन्फरन्सिंगदरम्यान वकील घरी किंवा कार्यालयात असावेत. अशा पद्धतीने कारमध्ये किंवा कुठेतरी बसून व्हर्च्युअल सुनावणीत सहभागी होता येणार नाही, असेही ते म्हणाले. हायकोर्टाने अजमेरा यांच्याविरोधात कारवाई करावी, असे आदेशही रजिस्ट्रारना दिले. तसेच दहा दिवसांच्या आत अहवाल सादर करावा. त्याची एक प्रत रजिस्ट्रीद्वारे बार कौन्सिललाही पाठवण्यात यावी, असेही कोर्टाने आदेशात म्हटले आहे.

आणखी बातम्या वाचा:

विवाहित तरुणानं रचला अपहरणाचा बनाव; कारण वाचून धक्का बसेल!

ठाण्यातील शिवसेना नगरसेवकाच्या मुलाची गोळ्या घालून केली हत्या

पुणे: गुंगीचे औषध देऊन महिलेवर पोलीस निरीक्षकाने केला बलात्कार

धक्कादायक! ६ वर्षीय विद्यार्थिनीवर वर्गातच शिक्षकाने केला बलात्कार