गुजरात: आश्रमात ४ जणांची हत्या; १६ वर्षांनी आरोपीला पकडले

अहमदाबाद: गुजरातमधील मेहसाणा जिल्ह्यातील सन २००४ मध्ये एका आश्रमात झालेल्या चौघांच्या हत्या प्रकरणातील आरोपीला पोलिसांनी १६ वर्षांनंतर दिल्लीतून अटक केली आहे. राज्यातील दहशतवाद विरोधी पथकाने ही अटकेची कारवाई केली आहे.

मेहसाणा जिल्ह्यातील एका आश्रमात चौघांची हत्या झाली होती. आश्रमातील रोकड लुटून आरोपी पसार झाला होता. या हत्याकांडातील आरोपीला पोलिसांनी १६ वर्षांनंतर अटक केली. एटीएसने दिल्लीहून त्याला ताब्यात घेतले. गुरुवारी त्याला गुजरातमध्ये आणण्यात आले. गोविंद यादव (वय ४७) असे आरोपीचे नाव आहे. तो मध्य प्रदेशातील सिंथारा येथील मूळ रहिवासी आहे. २००३ रोजी तो गावातील एका महिलेला पळवून घेऊन गुजरातमध्ये आला होता.

डिलिव्हरी बॉय पाठवायचा अश्लील व्हिडिओ, 'तिनं' घरी बोलावलं अन्.. समलिंगी पत्नीने केली पतीची हत्या; मृतदेहाचे तुकडे करून नाल्यात फेकलेपुणे: भाजप नगरसेविकेच्या पतीला खंडणीसाठी धमकी

या महिलेशी त्याने लग्न केले. त्यानंतर २००४ मध्ये मेहसाणा जिल्ह्यातील कादी तालुक्यातील उंटवाजवळ एका आश्रमात आश्रय घेतला. येथील मंदिर आणि आश्रमाचा कारभार अमेरिकेहून परतलेले ट्रस्टी चिमनभाई पटेल (वय ७०) चालवत होते. आश्रमात राहणाऱ्या अन्य व्यक्तींमध्ये साध्वी समतानंद सरस्वती (वय ३५), कार्यवाह कर्मन रावलिया (३०) आणि मोहन लुहार (वय ४५) यांचा समावेश होता. यादव हा या आश्रमात मोहन सिंह या नावाने राहत होता. २ मार्च २००४ रोजी रात्री धारदार शस्त्राने त्याने या चौघांची हत्या केली आणि आश्रमातील १० लाख रुपये घेऊन तो पत्नीसह पसार झाला. तो अद्याप फरार होता. गुजरात पोलिसांनी त्याच्याबद्दल माहिती देणाऱ्यांना ५१ हजार रुपये इनाम दिला जाईल अशी घोषणा केली होती. मात्र, इतकी वर्षे पोलिसांच्या हाती लागला नाही. एटीएसने त्याला दिल्लीहून अटक केली असून, गुजरातमध्ये आणलं आहे. पुढील चौकशीसाठी त्याला मेहसाणा पोलिसांच्या ताब्यात दिले जाणार आहे, अशी माहिती पोलिसांनी दिली.

पत्नीने चहा करायला दिला नकार, पतीनं केलं भयानक कृत्य

सांगली: भूसंपादनावेळी राडा; शेतकऱ्याने कर्मचाऱ्याचे डोके फोडले