पत्नी ७ महिन्यांची गर्भवती होती, पती दारूच्या नशेत घरी आला अन्...

ग्वाल्हेर: मध्य प्रदेशातील ग्वाल्हेरमध्ये एक धक्कादायक घटना उघडकीस आली आहे. मोहना पोलीस ठाण्याच्या हद्दीत श्यामपूर गावात मद्यधुंद पतीने केलेल्या बेदम मारहाणीत सात महिन्यांची गर्भवती असलेल्या पत्नीचा मृत्यू झाला. घटनेची माहिती मिळताच पोलिसांनी आरोपी पतीला अटक केली आहे.

ग्वाल्हेरमधील श्यामपूर गावातील मिथुन हा दारूच्या नशेत घरी आला. त्याने पत्नीला रॉडने मारहाण केली. यात तिचा मृत्यू झाला. अनिता असे मृत महिलेचे नाव आहे. ती सात महिन्यांची गर्भवती होती.

मध्यरात्री १२ वाजता 'ती' रस्त्यावर धावत सुटली; घडली होती भयानक घटना

मिळालेल्या माहितीनुसार, मोहनातील श्यामपूर येथील केशव वाल्मिकी याने मिथुनला पैसे दिले होते. या पैशांतून तो दारू प्यायला. रात्री उशिरा घरी आला. त्यानंतर त्याने पत्नीशी वाद घातला. दारूच्या नशेत मिथुनने अनिताला रॉडने मारहाण केली. यात अनिता आणि तिच्या गर्भातील अर्भकही दगावले. पत्नीच्या मृत्यूनंतर आरोपी मिथुन पसार झाला. पोलिसांनी त्याला गुरुवारी सकाळी अटक केली. पोलिसांनी त्याच्याविरोधात हत्येचा गुन्हा दाखल केला आहे. दीड वर्षापूर्वीच त्याचा अनितासोबत विवाह झाला होता. दारूच्या व्यसनामुळे त्याचा संसार उद्ध्वस्त झाला.