Hathras: पीडितेच्या कुटुंबीयांची भेट; भीम आर्मी प्रमुखांसह ५०० कार्यकर्त्यांवर गुन्हा

हाथरस: उत्तर प्रदेशातील हाथरसमध्ये पीडितेच्या कुटुंबीयांची भेट घेणारे भीम आर्मी प्रमुख चंद्रशेखर आझाद यांच्याविरोधात एफआयआर दाखल करण्यात आला आहे. चंद्रशेखर आणि त्यांच्यासोबत असलेल्या ५०० कार्यकर्त्यांविरोधात सासनी पोलीस ठाण्यात एफआयआर नोंदवला आहे.

हाथरस घटनेवरून उत्तर प्रदेशातील योगी आदित्यनाथ सरकारला भीम आर्मी प्रमुख आझाद यांनी घेरले होते. ते रविवारी पीडितेच्या कुटुंबीयांना भेटण्यासाठी गावात गेले. गावात जाण्यापूर्वी आझाद यांना अलीगढ आणि हाथरस दरम्यान रोखण्यात आले होते. मात्र, त्यानंतर जिल्हा प्रशासनाने त्यांना पीडितेच्या कुटुंबीयांची भेट घेण्याची परवानगी दिली. आझाद हे पीडितेच्या गावात गेले आणि तिथे कुटुंबीयांची भेट घेतली.

कुटुंबीयांना वाय दर्जाची सुरक्षा देण्याची मागणी

चंद्रशेखर आझाद यांनी पीडितेच्या कुटुंबीयांची भेट घेतली. त्यांना सर्वतोपरी मदतीचे आश्वासन दिले. पीडितेच्या कुटुंबीयांना वाय दर्जाची सुरक्षा देण्यात यावी अशी माझी मागणी आहे. त्यांना सुरक्षा दिली नाही तर मी त्यांना माझ्या घरी घेऊन जाईन. ते येथे सुरक्षित नाहीत. सुप्रीम कोर्टाच्या निवृत्त न्यायाधीशांच्या निरीक्षणाखाली या घटनेची चौकशी व्हावी, अशी मागणी आझाद यांनी केली.

भाजप नेत्याची पोलीस ठाण्यासमोरच गोळ्या घालून हत्या पुण्यात खळबळ, सराईत गुन्हेगाराचा ठेचून खूनउत्तर प्रदेश: बॉयफ्रेंडसह चौघांनी मुलीवर केला सामूहिक बलात्कारकरोना रुग्णांवर उपचार करणाऱ्या डॉक्टर दाम्पत्यावर हल्लाकोविड सेंटर बंद पाडण्यासाठी लावली आग; डॉक्टरांना धक्काबुक्की