madhya pradesh: अंधश्रद्धेचा बळी; जन्मदात्या आईनेच पोटच्या मुलाची झोपेतच केली हत्या

पन्ना: मध्य प्रदेशातील पन्ना जिल्ह्यात एक खळबळजनक घटना घडली आहे. जन्मदात्या आईनेच झोपेत असलेल्या मुलाची कुऱ्हाडीने वार करून हत्या केली. मी देवीचा अवतार असून, देवीनेच हे माझ्याकडून करून घेतले, असे आरोपी महिलेने सांगितले. या घटनेनंतर परिसरात खळबळ माजली आहे.

या घटनेची माहिती मिळताच, पोलीस मोठ्या संख्येने घटनास्थळी पोहोचले. त्यांनी मुलाचा मृतदेह ताब्यात घेऊन शवविच्छेदनासाठी पाठवला. या घटनेचा तपास सुरू केला आहे. पोलिसांनी आरोपी महिलेला अटक केली आहे.

मिळालेल्या माहितीनुसार, कोहनी गावातील ५० वर्षीय सुनियाबाईच्या अंगात देवी संचारत असल्याचे सांगितले जाते. ती स्वतःला देवीचा अवतार मानायची. गुरुवारी पहाटे चारच्या सुमारास तिच्या अंगात देवी संचारली असे तिचे म्हणणे आहे. तिच्या बाजूलाच तिचा २४ वर्षीय मुलगा झोपलेला होता. तिने मुलाच्या मानेवर कुऱ्हाडीने वार केले. यात तिचा मुलगा द्वारका प्रसाद याचा जागीच मृत्यू झाला. तिच्या अंगात दैवी शक्ती असल्याचे महिलेला वाटत होते. त्यातूनच तिने आपल्या मुलाचा बळी दिला आहे, असा आरोप कुटुंबीयांनी केला आहे.

पोलिसांनी सांगितले की, मारेकरी महिलेची प्रकृती अद्याप बरी नाही. तिच्यावर आधीपासूनच उपचार सुरू आहेत. अंधश्रद्धेतून हा प्रकार घडल्याचे पोलिसांचे म्हणणे आहे. मात्र, पोलीस अद्याप विविध अंगाने तपास करत आहेत. या घटनेने परिसरात खळबळ माजली आहे. लोकांमध्ये विविध तऱ्हेच्या चर्चा सुरू आहेत. गावात मोठ्या संख्येने पोलिसांचा बंदोबस्त तैनात करण्यात आला आहे.

मुंबई: पत्नी घरात झोपली होती, १२ वर्षीय मुलीवर सावत्र बापाने केला बलात्कार

Gujarat : जन्मदात्या पित्याने ३ मुलींची केली हत्या, त्यानंतर पत्नीलाही विष पाजले

पिंपरी: पोलीस आयुक्तांच्या नावाने फेसबुकवर बनावट खाते, यूजर्सकडे मागितले पैसे