महिलेनं ५ वर्षांच्या लेकीला संपवलं; मंदिर परिसरात मृतदेह टाकला अन् भलताच कांगावा केला

अमृतसर: पंजाबच्या अमृतसरमध्ये असलेल्या सुवर्ण मंदिरात ५ वर्षांची मुलगी मृतावस्थेत सापडली होती. या प्रकरणी पोलिसांनी मुलीच्या आईलाच बेड्या ठोकल्या आहेत. गुरुवारी सुवर्ण मंदिर संकुलात ५ वर्षांच्या मुलीचा मृतदेह आढळून आला होता. पोलिसांनी सीसीटीव्हीच्या आधारे घटनेचा तपास केला आणि मुलीच्या आईला अटक केली. मनिंदर कौर असं या महिलेचं नाव आहे.

सुवर्ण मंदिर परिसरातील घंटा घर प्लाझाच्या कॉरिडॉरमध्ये ५ वर्षीय दीपज्योतचा मृतदेह सापडला. या प्रकरणात मनिंदर कौर यांना अटक करण्यात आली असून ती मृत मुलीची आई असल्याचं राजपुराचे पोलीस निरीक्षक हरमनजीत सिंह चीमा यांनी सांगितलं. सुवर्ण मंदिर संकुलात मुलीचा मृतदेह टाकल्यानंतर आरोपी महिला राजपुरा पोलीस ठाण्यात आली. आपली मुलगी बेपत्ता झाल्याचा दावा तिनं केला, अशी माहिती चीमा यांनी दिली.
कार तुझ्या बापाची आहे का? महिलेनं ९० सेकंदांत रिक्षावाल्याला १७ वेळा थोबाडीत मारली
महिलेच्या हालचाली श्री दरबार साहिब संकुलात लावण्यात आलेल्या सीसीटीव्हीमध्ये रेकॉर्ड झाल्या. शिरोमणी गुरुद्वारा प्रबंधक समितीनं महिलेचा व्हिडीओ व्हायरल केला आणि महिलेबद्दल माहिती देण्याचं आवाहन केलं. सीसीटीव्ही फुटेजमध्ये महिला तिच्या मुलीला कुशीत घेऊन जाताना दिसत होती. या महिलेसोबत एक लहान मुलगादेखील आहे. हा व्हिडीओ सोशल मीडियावर व्हायरल झाला.
पतीची हत्या करून पत्नीनं घरातच मृतदेह गाडला; शेजाऱ्यांना संशय अन् चार दिवसांनंतर अचानक...
महिलेनं मुलीचा मृतदेह टाकून दिल्यानंतर पोलीस ठाणं गाठलं आणि बेपत्ता असल्याची तक्रार दिली. शिरोमणी गुरुद्वारा प्रबंधक समितीनं व्हिडीओ व्हायरल केल्यानंतर पोलिसांनी तपास सुरू केला. हरयाणाच्या यमुनानगरची रहिवासी असलेल्या आरोपी महिलेला पोलिसांनी अटक केली. महिलेनं तिच्या मुलीला विष दिलं होतं. मृत मुलीच्या वडिलांना पोलिसांनी अमृतसरला बोलावलं. महिलेसोबत दिसत असलेला लहान मुलगा मृत मुलीचा भाऊ असल्याचं वडिलांनी सांगितलं.