नववीच्या विद्यार्थिनीला शिक्षिकेनं कपडे काढायला लावले; मुलीने स्वत:ला पेटवून घेतले

जमशेदपूर: झारखंडच्या जमशेदपूरमध्ये एका शालेय विद्यार्थिनीनं स्वत:ला पेटवून घेतल्याची घटना घडली आहे. महिला शिक्षिकेनं कपडे उतरवण्यास लावल्यानं विद्यार्थिनीनं स्वत:ला पेटवून घेतलं. विद्यार्थिनीनं तिच्या गणवेशात कॉपी लपवल्याचा संशय शिक्षिकेला होता. त्यामुळे शिक्षिकेनं विद्यार्थिनीला कपडे काढायला लावले. स्वत:ला पेटवून घेणारी विद्यार्थिनी नववीची विद्यार्थिनी आहे. नातेवाईकांनी तिला जवळच्या रुग्णालयात दाखल केलं. तिची प्रकृती गंभीर आहे.

महिला पर्यवेक्षिकनं अपमानास्पद वागणूक दिली आणि वर्गाशेजारी असलेल्या एका खोलीत नेऊन कपडे काढायला लागले, असा जबाब विद्यार्थिनीनं पोलिसांना दिला आहे. शिक्षिकेविरोधात तक्रार नोंदवण्यात आली असून या प्रकरणाचा तपास सुरू असल्याचं पोलिसांनी सांगितलं. शाळेत झालेला अपमान सहन न झाल्यानं मुलीनं घरी येऊन स्वत:ला पेटवून घेतल्याची माहिती तिच्या आईनं दिली.
रेल्वे स्टेशनवर कडाक्याचं भांडण; तरुणीला धावत्या ट्रेनसमोर ढकललं, एकतर्फी प्रेमाचा भयानक शेवट
घटनेमुळे संतापलेल्या लोकांनी रस्त्यावर येत आंदोलन केलं. आरोपी शिक्षिकेविरोधात कठोर कारवाई करण्याची मागणी त्यांनी केली. पीडित तरुणीच्या वडिलांचा मृत्यू गेल्या वर्षी झाला असून कुटुंबाची स्थिती अतिशय गरिबीची आहे. पीडितेला तीन बहिणी आहेत. आई मोलमजुरी करून घरी चालवते. पीडितेची परिस्थिती गंभीर आहे. शिक्षिकेविरोधात कारवाई करण्याची मागणी मुलीच्या वडिलांनी केली.