अ‍ॅपशहर

लातूर : पत्नीला मारणाऱ्यास सात वर्षे सक्तमजुरी

चारित्र्यावर संशय घेऊन पत्नीला ठार मारण्याचा प्रयत्न करण्याच्या प्रकरणात, उत्तम महादेव गायकवाड (रा. सोनचिंचोली, ता. औसा, जि.लातूर) यास जिल्हा व सत्र न्यायाधीश एस. एम. टाकळीकर यांनी कलम ३०७ अंतर्गत सात वर्षांची सक्तमजुरी आणि एक हजार रूपये दंडाची शिक्षा ठोठावली.

Authored byम. टा. प्रतिनिधी | महाराष्ट्र टाइम्स 23 Feb 2021, 12:47 pm
लातूर : चारित्र्यावर संशय घेऊन पत्नीला ठार मारण्याचा प्रयत्न करण्याच्या प्रकरणात, उत्तम महादेव गायकवाड (रा. सोनचिंचोली, ता. औसा, जि.लातूर) यास जिल्हा व सत्र न्यायाधीश एस. एम. टाकळीकर यांनी कलम ३०७ अंतर्गत सात वर्षांची सक्तमजुरी आणि एक हजार रूपये दंडाची शिक्षा ठोठावली. खटल्यात सहाय्यक सरकारी वकील मीरा कुलकर्णी यांनी कामकाज पाहिले.
महाराष्ट्र टाइम्स.कॉम पत्नीला मारणाऱ्यास सात वर्षे सक्तमजुरी (प्रातिनिधिक फोटो)


मुंबईतील घरात गायकवाडने पत्नीस शिवीगाळ करून मारहाण केली आणि १७/०८/२०१८ रोजी बायको आणि मुलांना घेऊन तो तिच्या माहेरी, वांगजी (ता. औसा) येथे आला. त्याने २०/०८/२०१८ रोजी दुपारी पत्नीच्या डोक्यात कुऱ्हाडीने घाव घातले. त्यानंतर तो पळून गेला. शेजारच्यांनी व वडिलांनी तिला रुग्णालयात नेले. भादा पोलिस ठाण्यात आरोपीविरूद्ध तक्रार दाखल करण्यात आली. उपनिरीक्षक पी. बी. शिंदे तपास अधिकारी, पैरवी अधिकारी म्हणून पोरे मॅडम, तसेच सहाय्यक सरकारी वकील एम. एस. महेंद्रकर यांनी सहाय्य केले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज