म.टा. विशेष प्रतिनिधी, नागपूर
धावत्या रेल्वेगाडीत सापडलेल्या ७ संशयास्पद बॅगमध्ये जवळपास १ लाख ९५ हजार रुपयांचा मद्यसाठा आढळून आला. हा साठा जप्त करण्यात आला आहे. ही कारवाई चंद्रपूर आरपीएफने केली.
०९७७६ या रेल्वेगाडीत मद्याची वाहतूक होत असल्याची गुप्त माहिती आरपीएफला मिळाली होती. ही गाडी चंद्रपूर रेल्वेस्थानकावर थांबली असता आरपीएफच्या पथकाने तपासणी सुरू केली असता एका बोगीत ७ बॅग बेवारस स्थितीत आढळून आल्या. या बॅगबाबत बोगीतील प्रवाशांकडे विचारणा करण्यात आली; मात्र कोणीच त्या आपल्या असल्याचे सांगितले नाही. त्यामुळे या बॅग उतरवून उघडून पाहिल्या असता त्यात मद्याच्या १ हजार २९० बाटल्या आढळून आल्या. हा मद्यसाठा १ लाख ९५ हजार रुपये किमतीचा आहे. जप्त केलेला मद्यसाठा पुढील कार्यवाहीसाठी उत्पादन शुल्क विभागाच्या सुपुर्द करण्यात आला. ही कारवाई मध्य रेल्वेच्या नागपूर विभागाचे सुरक्षा आयुक्त आशुतोष पांडे यांच्या मार्गदर्शनाखाली गोवर्धन सवाई, प्रवीण कुमार यांनी केली.
धावत्या रेल्वेगाडीत सापडलेल्या ७ संशयास्पद बॅगमध्ये जवळपास १ लाख ९५ हजार रुपयांचा मद्यसाठा आढळून आला. हा साठा जप्त करण्यात आला आहे. ही कारवाई चंद्रपूर आरपीएफने केली.
०९७७६ या रेल्वेगाडीत मद्याची वाहतूक होत असल्याची गुप्त माहिती आरपीएफला मिळाली होती. ही गाडी चंद्रपूर रेल्वेस्थानकावर थांबली असता आरपीएफच्या पथकाने तपासणी सुरू केली असता एका बोगीत ७ बॅग बेवारस स्थितीत आढळून आल्या. या बॅगबाबत बोगीतील प्रवाशांकडे विचारणा करण्यात आली; मात्र कोणीच त्या आपल्या असल्याचे सांगितले नाही. त्यामुळे या बॅग उतरवून उघडून पाहिल्या असता त्यात मद्याच्या १ हजार २९० बाटल्या आढळून आल्या. हा मद्यसाठा १ लाख ९५ हजार रुपये किमतीचा आहे. जप्त केलेला मद्यसाठा पुढील कार्यवाहीसाठी उत्पादन शुल्क विभागाच्या सुपुर्द करण्यात आला. ही कारवाई मध्य रेल्वेच्या नागपूर विभागाचे सुरक्षा आयुक्त आशुतोष पांडे यांच्या मार्गदर्शनाखाली गोवर्धन सवाई, प्रवीण कुमार यांनी केली.