१ कोटीची विदेशी दारू पकडली, निवडणुकांसाठी आणला होता साठा

भीलवाडा: राजस्थानमध्ये स्थानिक स्वराज्य संस्थांच्या निवडणुका होऊ घातल्या आहेत. निवडणुकीत विजय मिळवण्यासाठी उमेदवार विविध अवैध मार्गांचा अवलंब करताना दिसून येत आहे. भीलवाडा उत्पादन शुल्क विभागाने चितौडगढ राष्ट्रीय मार्गावर तपासणीदरम्यान कंटेनर पकडला असून, त्यात एक कोटी रुपये किंमतीचा विदेशी दारूचा साठा होता. पोलिसांनी तो जप्त केला आहे. हा दारूसाठी मतदारांना देण्यासाठी आणण्यात आला होता, अशी माहिती समजते.

उत्पादन शुल्क विभागाचे अधिकारी मुकेश देवपुरा यांनी सांगितले की, आय़ुक्त जोगाराम यांच्या आदेशानुसार, एनएच ७९ वरील भीलवाडा बायपास नाकाबंदी सुरू होती. खबऱ्यांकडून मिळालेल्या माहितीनुसार अधिकाऱ्यांनी तपासणीदरम्यान एका कंटेनरला थांबवले. पथकाला पाहून कंटेनर चालक फरार झाला. कंटेनरची तपासणी केली असता, १३२५ पेट्यांमध्ये एक कोटी रुपयांचा विदेशी दारूसाठा सापडला.

भीलवाडा जिल्ह्यात १२५ ग्रामपंचायतींच्या निवडणुका

उत्पादन शुल्क अधिकारी मुकेश देवपुरा यांनी सांगितले की, अधिकारी महिपाल सिंह यांच्या नेतृत्वाखाली राम गोपाल गुर्जर, निरीक्षक आशिष शर्मा यांनी ही कारवाई केली आहे. दरम्यान, भीलवाडा जिल्ह्यात १२५ ग्रामपंचायतींसाठी निवडणुका होत आहेत. मतदारांना आकर्षित करण्यासाठी आणि वाटपासाठी हा दारूसाठा आणला असावा, अशी शक्यता व्यक्त केली जात आहे.

आणखी बातम्या वाचा:

बंदुकीच्या धाकावर मुलीवर सामूहिक बलात्कार, पीडितेनं घेतला गळफास

मुंबईहून २ मॉडेल्सना इव्हेंटसाठी बोलावले, इंदूरमध्ये सामूहिक बलात्कार

वहिनीने केला 'हा' गंभीर आरोप, मानसिकदृष्ट्या खचलेल्या दिराने केली आत्महत्या

थरारक! तरुणाच्या डोळ्यांत मिरचीपूड फेकली, तलवारीने सपासप वार

तरुणीवर तृतीयपंथीयाने केले अनैसर्गिक अत्याचार