अचानक खात्यांमध्ये जमा होऊ लागले १५० कोटी रुपये; सहकारी बँकेचे अधिकारी धास्तावले

लखनऊ: उत्तर प्रदेशची राजधानी लखनऊमध्ये सायबर क्राईमची खळबळजनक घटना घडली आहे. हजरतगंज डीएम निवासस्थानाजवळ असलेल्या सहकारी बँकेच्या खात्यातून फसवणूककर्त्यांनी जवळपास १५० कोटी रुपये काढले. सायबर फसवणुकीची माहिती मिळताच बँक अधिकाऱ्यांनी पोलिसांशी संपर्क साधला. एसटीएफ ठाण्यात तक्रार नोंदवण्यात आली असून तपास सुरू आहे.

बँक अधिकाऱ्यांनी घटनेची माहिती सायबर क्राईम मुख्यालयाला दिली. पोलिसांनी एका कर्मचाऱ्याला अटक केली आहे. त्याची चौकशी सुरू आहे. अनेक खात्यांमधून पैसे वळते करण्यात आले. याची माहिती बँक अधिकाऱ्यांना मिळताच अनेक खाती गोठवण्यात आली. सध्या या प्रकरणाचा तपास सुरू आहे. सोमवारी दुपारी दोनच्या सुमारास अचानक बँकेचे पैसे अन्य खात्यांमध्ये आणि फर्म्समध्ये जाऊ लागले. ही बाब लक्षात येताच कर्मचाऱ्यांनी व्यवस्थापकांना सूचना दिली. व्यवस्थापकांनी तातडीनं पोलिसांना बोलावलं. यानंतर पोलिसांनी ज्या खात्यांमध्ये पैसे गेले, ती सगळी खाती गोठवली.
चिता रचली, लेकाला झोपवले, फोटो काढले; वडिलांनी रचला लेकाच्या मृत्यूचा बनाव; कारण...
सहकारी बँकेत मेगा सॉफ्टवेअर आहे. ज्यासाठी यूझर आयडी तयार करण्यात आला आहे. सर्व कर्मचाऱ्यांकडे याचा ऍक्सेस नाही. ऍडमिन ऍक्सेस केवळ बँकेचे व्यवस्थापक आणि कॅशियरकडे आहे. पोलिसांना एक माजी कर्मचाऱ्यावर शंका आहे. तो बँकेत येताना दिसला आहे. सीसीटीव्ही फुटेजमध्ये तो दिसत आहे. सॉफ्टवेअरच्या ऍक्सेससाठी असलेला यूझर आयडी, पासवर्ड फक्त व्यवस्थापक आणि कॅशियरकडे असताना तो कसा हॅक करण्यात आला, त्यातील रोकड दुसऱ्या फर्मच्या खात्यांमध्ये कशी वळवण्यात आली, याचा तपास पोलीस करत आहेत.