IPS अधिकाऱ्याला फ्लॅटमध्ये महिलेसोबत पत्नीने रंगेहाथ पकडले, व्हिडिओ व्हायरल

भोपाळ: आयपीएस अधिकारी पुरुषोत्तम शुक्ला यांच्या अडचणी वाढण्याची चिन्हे आहेत. पत्नीने त्यांना एका महिलेच्या घरात रंगेहाथ पकडले होते. त्याचा व्हिडिओ व्हायरल झाला होता. शर्मा यांची पत्नी त्यांचा पाठलाग करत अलिशान फ्लॅटमध्ये पोहोचली होती. शर्मा यांना घरातून बाहेर पडताना त्यांनी कॅमेऱ्यात कैद केले होते. पत्नी आणि मुलाने स्वतः ते व्हिडिओ सोशल मीडियावर व्हायरल केले होते.

व्हिडिओ व्हायरल केल्यानंतर पुरुषोत्तम शर्मा यांनी घरी जाऊन पत्नीला मारहाण केली होती. त्यानंतर त्यांच्या मुलाने मुख्यमंत्री आणि गृहमंत्र्यांकडे तक्रार केली होती. दुसरीकडे गृहमंत्री नरोत्तम मिश्रा यांनी प्रतिक्रिया दिली आहे. माझ्याकडे कोणतीही लेखी तक्रार आलेली नाही. माध्यमांवर वृत्त प्रसिद्ध झाले होते. लेखी तक्रार आली तर कारवाई केली जाईल, असे त्यांनी सांगितले.

महिला आयोगाकडून दखल

आयपीएस अधिकारी शर्मा यांचा व्हिडिओ व्हायरल झाल्यानंतर केंद्रीय आणि राज्य महिला आयोगाने गंभीर दखल घेतली आहे. पुरुषोत्तम शर्मा यांना बडतर्फ करून तुरुंगात पाठवायला हवं, असे राष्ट्रीय महिला आयोगाच्या अध्यक्षा रेखा शर्मा यांनी सांगितले. तर आमच्याकडे अद्याप कोणतीही तक्रार करण्यात आली नाही. मात्र, आम्ही यावर स्वतः कारवाई करू, असे राज्य महिला आयोगाकडून सांगण्यात आले.

सोशल मीडियावर व्हिडिओ व्हायरल झाल्यानंतर शर्मा यांनीही स्पष्टीकरण दिले आहे. एका वृत्तवाहिनीशी बोलताना त्यांनी मी कोणताही गुन्हा केला नाही, असे स्पष्ट सांगितले. हे कौटुंबिक प्रकरण आहे. तिची नाराजी आहे तर माझ्यासोबत का राहतो, माझ्या पैशांचा वापर करत आहे, विदेशी दौरे करते. हे कौटुंबिक वाद मी स्वतः सोडवणार आहे, केवळ धक्काबुक्की झाली आहे. व्हिडिओ व्हायरल करण्याचे कारण पत्नी आणि मुलगाच सांगू शकेल. पत्नीने घरात सगळीकडे सीसीटीव्ही कॅमेरे लावले आहेत. ती नेहमी माझा पाठलाग करत असते, असे ते म्हणाले.

पदावरून हटवले

दरम्यान, आयपीएस अधिकारी शर्मा यांच्याविरोधात कारवाई करण्यात आली आहे. त्यांना पदावरून हटवण्यात आले आहे. सरकारच्या गृह विभागाकडून या आदेशाची प्रत जारी केली आहे. पुरुषोत्तम शर्मा यांना तात्काळ पदावरून कार्यमुक्त करण्यात येत असल्याचे आदेशात म्हटले आहे.

सांगली: सरकारी कोविड रुग्णालयात करोनाबाधित वृद्धाची आत्महत्या

धक्कादायक! डॉक्टर पती-पत्नी मध्यरात्री पुण्याकडे येत होते, ते थांबताच...

बंदी झुगारून बैलगाडी शर्यतीचे आयोजन, ११ जणांवर गुन्हा

गँगस्टरला मुंबईहून यूपीला घेऊन जात असताना कार उलटली, आरोपीचा मृत्यू