नगरमध्ये फळाऐवजी वाहनातून दारूची वाहतूक

अहमदनगरः फळाच्या वाहतुकीऐवजी वाहनातून दारूची वाहतूक केली जात असल्याचा धक्कादायक प्रकार उघडकीस आला आहे. पोलिसांनी चालक आणि त्याच्या साथीदाराला ताब्यात घेतलं आहे. रामचंद्र लोकरे व दीपक शेळके (दोघे रा. कंदर, ता. करमाळा, जि. सोलापूर) अशी त्यांची नावे आहेत. या दोघांकडील वाहन आणि त्यातील २४ दारुच्या बाटल्या असा एकूण ६ लाख १३ हजारांचा मुद्देमाल जप्त करण्यात आला आहे.

नगर शहरातील सक्कर चौक येथून न्यू टिळक रोडने एका वाहनातून दारूची वाहतूक केली जात असल्याची माहिती पोलीस निरीक्षक विकास वाघ यांना मिळाली होती. वाघ यांनी तातडीने गुन्हे शोध पथकातील कर्मचाऱ्यांना पुढील आदेश दिले. त्यानंतर पथकातील कर्मचाऱ्यांनी दुपारी एकच्या सुमारास नाकाबंदी करून वाहनांची तपासणी केली. यावेळी एका वाहनात दारूची वाहतूक केली जात असल्याचे तपासणीत पुढे आले. पोलिसांनी चालक आणि त्याच्या साथीदाराला ताब्यात घेतले. पोलीस अधीक्षक अखिलेश कुमार सिंह, उपविभागीय पोलीस अधिकारी संदीप मिटके यांच्या मार्गदर्शनाखाली पोलीस निरीक्षक विकास वाघ यांच्यासह पथकातील कर्मचारी गणेश धोत्रे, शाहीद शेख, नितीन शिंदे, सुजय हिवाळे यांनी ही कामगिरी केली.

करोनाच्या भीतीने गाव गाठला; पुण्यात बंद फ्लॅट फोडला

पुणे: दारुच्या नशेत धक्काबुक्की जीवावर बेतली, मित्राचा जीव गेला

डहाणूत एक लाख रुपयांच्या वादातून हल्ला; महिला ठार