नागपूर : जन्मदात्याने वडिलांच्या मदतीने सातवर्षीय मुलीची हत्या केल्याची खळबळजनक घटना बेला येथे उघडकीस आली. याप्रकरणी बेला पोलिसांनी खुनाचा गुन्हा दाखल करून मारेकरी व त्याच्या वडिलाला अटक केली. गजानन मोहन काळे (वय २८) आणि त्याचे वडील मोहन सखाराम काळे (दोन्ही रा. ढवलपेठ, बुटीबोरी) अशी अटकेतील आरोपींची तर बिजली गजानन काळे (वय ७) असे मृतकाचे नाव आहे.
गजानन हा पत्नी ज्योती यांच्या चारित्र्यावर संशय घेत मारहाण करायचा. ज्योती या बिजलीला घेऊन माहेरी आल्या. २२ फेब्रुवारीला एका लग्नसमारंभासाठी गजाजन हा वडिलांसोबत बेला येथे आला. त्याला बिजली दिसली. चॉकलेटच्या बहाण्याने दोघे बिजलीला घेऊन गेले. गळा आवळून दोघांनी बिजलीचा खून केला व मृतदेह परिसरातील नाल्यात फेकला. दरम्यान, मुलगी बेपत्ता झाल्याने ज्योती यांनी बेला पोलिसांत तक्रार दिली. पोलिसांनी अपहरणाचा गुन्हा दाखल केला. मंगळवारी बिजलीचा मृतदेह आढळला. पोलिसांनी खुनाचा गुन्हा दाखल केला. चौकशीदरम्यान गजाननने वडिलांच्या मदतीने बिजलीचा खून केल्याचे निष्पन्न झाले.
गजानन हा पत्नी ज्योती यांच्या चारित्र्यावर संशय घेत मारहाण करायचा. ज्योती या बिजलीला घेऊन माहेरी आल्या. २२ फेब्रुवारीला एका लग्नसमारंभासाठी गजाजन हा वडिलांसोबत बेला येथे आला. त्याला बिजली दिसली. चॉकलेटच्या बहाण्याने दोघे बिजलीला घेऊन गेले. गळा आवळून दोघांनी बिजलीचा खून केला व मृतदेह परिसरातील नाल्यात फेकला. दरम्यान, मुलगी बेपत्ता झाल्याने ज्योती यांनी बेला पोलिसांत तक्रार दिली. पोलिसांनी अपहरणाचा गुन्हा दाखल केला. मंगळवारी बिजलीचा मृतदेह आढळला. पोलिसांनी खुनाचा गुन्हा दाखल केला. चौकशीदरम्यान गजाननने वडिलांच्या मदतीने बिजलीचा खून केल्याचे निष्पन्न झाले.