घरवाली आणि बाहरवालीमुळे सतत वाद; कंटाळून तरुणानं उचललं टोकाचं पाऊल

हरदोई: उत्तर प्रदेशच्या हरदोईमध्ये विवाहबाह्य संबंधातून एका तरुणानं स्वत:वर गोळी झाडून घेतली. दोन वर्षांपूर्वी तरुणाचा विवाह झाला होता. लग्नाआधी त्याचे एका तरुणीशी प्रेमसंबंध होते. ती तरुणी विवाहित होती. लग्नानंतरही त्याचे प्रेयसीशी असलेले संबंध कायम होते. त्यावरून त्याचा पत्नी आणि कुटुंबाशी सातत्यानं वाद व्हायचा.

रविवारी रात्री तरुणाचं कुटुंबीयांशी आणि पत्नीशी भांडण झालं. त्यानंतर तरुणानं गावठी कट्ट्यानं स्वत:वर गोळी झाडली. त्यात त्याचा मृत्यू झाला. पोलिसांनी तरुणाचा मृतदेह शवविच्छेदनासाठी पाठवला. बेहटा गोकुळ पोलीस ठाण्याच्या हद्दीत ही घटना घडली. ३० वर्षीय तरुणाचा विवाह २ वर्षांपूर्वा झाला होता. लग्नाआधी त्याचे एका विवाहित तरुणीशी प्रेमसंबंध होते. दोन वर्षांपूर्वी तरुण विवाह बंधनात अडकला. मात्र त्याचे प्रेयसीशी असलेले संबंध कायम होते. त्याच्या कुटुंबानं अनेकदा त्याला समजावण्याचा प्रयत्न केला. यावरून घरात बऱ्याचदा वाद व्हायचे. तरुणानं प्रेयसीसोबत लपूनछपून कोर्ट मॅरेज केल्याचीही चर्चा होती.
नवऱ्याला कठोर शिक्षा द्या; लेकीला त्याच्यापासून लांब ठेवा! चिठ्ठी लिहून महिलेची आत्महत्या
रविवारी रात्री तरुणाचा पत्नीशी आणि कुटुंबीयांशी वाद झाला. त्यानंतर तरुणानं स्वत:वर गोळी झाडून आत्महत्या केली. पोलिसांनी मृतदेह ताब्यात घेऊन तो शवविच्छेदनासाठी पाठवला. या प्रकरणाचा तपास सुरू आहे. कौटुंबिक वादामधून तरुणानं आत्महत्या केल्याची माहिती हरदोईचे पोलीस अधीक्षक दुर्गेश सिंह यांनी सांगितलं. तरुणाचे विवाहबाह्य संबंध असल्याचा संशय त्याच्या कुटुंबीयांना होता. त्यावरून कुटुंबात सातत्यानं वाद व्हायचे. त्यातूनच तरुणानं टोकाचं पाऊल उचलल्याची माहिती सिंह यांनी दिली.