Meerut Rape Verdict: १०० वर्षीय वृद्ध महिलेवर बलात्कार, दोषीला जन्मठेप

मेरठ: उत्तर प्रदेशातील मेरठमधील १०० वर्षीय वृद्ध महिलेवरील बलात्कार प्रकरणात तीन वर्षांनी दोषीला शिक्षा सुनावण्यात आली आहे. न्यायालयाने या प्रकरणात दोषी अंकित पुनिया याला जन्मठेपेची शिक्षा सुनावली.

२०१७मध्ये वयोवृद्ध दिव्यांग महिलेवर अंकितने बलात्कार केला होता. त्यानंतर बलात्कार पीडित महिलेचा मृत्यू झाला होता. सरकारी वकील निशांत वर्मा यांनी सांगितले की, या प्रकरणी पीडित महिलेच्या नातवाने खटला दाखल केला होता. या खटल्याचा निकाल तीन वर्षांनी लागला. दोषी अंकित पुनियाला जन्मठेपेची शिक्षा सुनावली आहे.

वृद्ध महिलेवरील बलात्काराच्या घटनेनंतर मेरठमध्ये खळबळ उडाली होती. विदेशी माध्यमांमध्येही या घटनेची चर्चा सुरू होती. सरकारी वकील निशांत यांनी सांगितले की, पीडित महिलेच्या नातवाने न्यायालयात खटला दाखल केला होता. विशेष न्यायालयाचे न्यायाधीश गुल उलमादर यांनी आरोपी अंकितला दोषी ठरवून जन्मठेपेची शिक्षा सुनावली.

आरोपी अंकित पुनिया हा सुरक्षा रक्षकाची नोकरी करत होता. गावात महिलांची छेडछाड केल्याच्या अनेक तक्रारी त्याच्याविरोधात होत्या. या प्रकरणी पोलिसांत कुणीही तक्रारी केल्या नाही. आरोपी अंकितविरोधात पोलिसांनी आधीच कारवाई केली असती तर, ही घटना घडली नसती, असे बोलले जात आहे. यापूर्वी अलवरमध्येही एका ७० वर्षीय महिलेवर बलात्कार केल्याप्रकरणी आरोपीला जन्मठेपेची शिक्षा सुनावली होती.

ऐतिहासिक स्मारकाजवळील चंदनासह अनेक झाडे चोरीला, 'पुरातत्व'ची पोलिसांत धाव

शोरूम मालकाच्या मुलीला पाठवायचा अश्लील व्हिडिओ, अखेर तिने...

भारती सिंहचा पती हर्ष लिंबाचियाला अटक;१७ तासांच्या चौकशीनंतर कारवाई