मुंबई: पैसे निघाले नाहीत, कार्ड अडकलं; 'त्यानं' रागानं ATMच फोडलं

मुंबई: मायानगरी मुंबईत एक विचित्र घटना घडली आहे. दारूच्या नशेत असलेल्या एका तरुणाने एटीएममधून पैसे निघाले नाहीत म्हणून ते एटीएमच फोडले. या प्रकरणी पोलिसांनी या तरुणाला अटक केली आहे.

मुंबईतील कांदिवली परिसरात एटीएम फोडल्याची विचित्र घटना घडली आहे. समता नगर पोलीस ठाण्याजवळील लोखंडवाला सर्कल येथे दारूच्या नशेत एक तरुण बुधवारी रात्री उशिरा एटीएममध्ये पैसे काढण्यासाठी गेला. अनेक वेळा त्याने एटीएममधून पैसे काढण्याचे प्रयत्न केले. मात्र, त्याला काही पैसे मिळाले नाहीत. याशिवाय मशिनमध्ये डेबिट कार्ड अडकले. त्यावर त्याला प्रचंड राग आला. राग अनावर झाल्यानंतर त्यानं एटीएमच तोडून टाकले.

या घटनेची माहिती मिळाल्यानंतर समता नगर पोलिसांनी घटनास्थळी धाव घेतली आणि आरोपी तरुणाला अटक केली. त्याची स्कूटरही जप्त केली आहे. न्यायालयात त्याला हजर केलं. न्यायालयानं त्याला पोलीस कोठडीत ठेवण्याचे आदेश दिले आहेत. तीन महिन्यांपासून लॉकडाउन लागू करण्यात आला होता. घरात पैसे नव्हते. त्यामुळं आरोपीने चोरीच्या उद्देशाने हे कृत्य केले, असे पोलीस अधिकाऱ्याने सांगितले.

कोथरूडमध्ये दारूच्या नशेत तरुणांचा राडा; माजी आमदार जखमी

संजय कुमार असे २६ वर्षी आरोपी तरुणाचे नाव आहे. मालाड पश्चिमेकडे तो राहतो. बुधवारी रात्री १२.३० वाजताच्या सुमारास लोखंडवाला कॉम्प्लेक्सजवळच्या एका मॉलमधील एटीएममध्ये पैसै काढण्यासाठी गेला होता. मात्र, त्यातून पैसे निघाले नाहीत. याशिवाय त्याचे कार्ड त्या एटीएममध्ये अडकले. त्यामुळे रागाने त्याने एटीएम फोडून टाकले. त्यानंतरही त्याला पैसे मिळाले नाहीत.

मिरा रोडच्या बारमधील दुहेरी हत्याकांड 'या' कारणावरून घडलं