फुटबॉलपटूने हॉटेलमध्ये नेऊन केला बलात्कार; मुंबईच्या तरुणीने सांगितली आपबीती

मुंबई: लग्नाच्या भूलथापा देऊन हॉटेलमध्ये नेऊन बलात्कार केल्याचा गंभीर आरोप मुंबईतील एका तरुणीने फुटबॉलपटूवर केला आहे. हा फुटबॉलपूट पंजाबचा आहे. या दोघांचीही सोशल मीडियावरून ओळख झाली होती. या प्रकरणी तरुणीने त्याच्याविरोधात पोलिसांत तक्रार दाखल केली आहे.

सोशल मीडियावरून तरूणीची आणि फुटबॉलपटूची ओळख झाली होती. पंजाबचा असलेला हा फुटबॉलपटू मुंबईत आला होता. त्यानंतर ती काम करत असलेल्या हेल्थ क्लबमध्ये येऊन तिला भेटला होता. गुडघ्याला दुखापत झाली असून, त्याच्यावरील उपचारासाठी मुंबईत आलो असल्याचे त्याने तिला सांगितलं होतं. तसेच दोघांच्याही कुटुंबीयांनी एकमेकांची भेट घेऊन त्यांचे लग्न ठरवले होते. त्याचदरम्यान या तरुणाने तिला गोरेगावमधील एका हॉटेलवर नेले. तेथे तिला बांधले आणि तिच्यावर बलात्कार केला, असा आरोप तरुणीने तक्रारीत केला आहे. त्यानंतर काही दिवसांनी आरोपी जेजे मार्ग येथील तिच्या घरी गेला. तेथेही त्याने दुसऱ्यांदा तिच्यावर बलात्कार केला, असा आरोपही तिने केला आहे.

माहेरी आलेल्या नवविवाहित महिलेवर सामूहिक बलात्कार

डान्सरला बर्थडे पार्टीसाठी बोलावलं, हॉटेलमध्ये केला बलात्कार

आरोपीने काही दिवसांनी लग्न करण्यास नकार दिला. त्यामुळे या तरुणीला मोठा मानसिक धक्का बसला. त्यामुळे तिने पोलिसांत जाण्याचा निर्णय घेतला. तिने त्याच्याविरोधात पोलिसांत तक्रार दाखल केली आहे. पोलीस सूत्रांनी दिलेल्या माहितीनुसार, तरुणीने माहिती दिली की आरोपीने तिचे आक्षेपार्ह फोटो काढले असून, बदनामी करण्याची धमकी दिली आहे. पोलिसांनी मात्र, आरोपीबद्दल अधिक माहिती दिली नाही. तो नेमका कोण आहे, फुटबॉलपटू आहे का, या माहितीची खातरजमा केली जात आहे. त्यानंतर त्याला मुंबईत आणले जाईल, असे पोलिसांनी सांगितले. दरम्यान, हे प्रकरण जेजे मार्ग पोलीस ठाण्यात वर्ग करण्यात आले आहे.

खळबळजनक! ३ सूनांनी केली सासूची हत्या; फासावर लटकावलं


विधवेवर बलात्कार केल्यानंतर काढले अश्लील फोटो, लग्नासाठी दबाव