Nagpur crime: मैदानात आढळला ज्येष्ठ नागरिकाचा मृतदेह

नागपूर : गणेशपेठेतील ज्येष्ठ नागरिकाच्या हत्येची घटना ताजी असतानाच मंगळवारी दुपारी ४ वाजताच्या सुमारास गोरेवाडातील मैदानात ६४ वर्षीय ज्येष्ठ नागरिकाचा मृतदेह आढळून आला. भय्यालाल बैस रा. लोखंडे ले-आऊट गोधनी, असे मृतकाचे नाव आहे.

भय्यालाल हे चौकीदार होते. सोमवारी सकाळी ११ वाजताच्या सुमारास ते घरून निघाले. उशिरा रात्रीपर्यंत घरी परतले नाही. नातेवाइकांनी शोध घेतला असता आढळून आले नाही. मंगळवारी दुपारी ४ वाजताच्या सुमारास गोरेवाडा भागात ज्येष्ठ नागरिकाचा मृतदेह आढळून आला. माहिती मिळताच मानकापूर पोलिसांचा ताफा तेथे पोहोचला. मृतदेहाच्या बाजूला पिशवी होती. पोलिसांनी त्यातील दस्तऐवजाची तपासणी केली. भय्यालाल यांची ओळख पटली. मानकापूर पोलिसांनी पंचनामा मृतदेह मेयो हॉस्पिटलकडे रवाना केला. भय्यालाल यांच्या शरीरावर शस्त्राच्या जखमा आहेत. त्यांचा खून करण्यात आल्याचे सांगण्यात येते. शवविच्छेदन अहवालानंतरच त्यांचा मृत्यू कशाने हे झाला हे स्पष्ट होईल. तूर्त पोलिसांनी या घटनेची नोंद घेत तपास सुरू केला आहे.

८ वर्षीय मुलीवर अत्याचार, नराधम टॅक्सीचालकाला १० वर्षांची शिक्षा

विद्यार्थिनीची काढली छेड

नागपूर : बोलणे बंद केल्याने युवकाने १७ वर्षीय विद्यार्थिनीची छेड काढून तिला ठार मारण्याची धमकी दिली. ही घटना सदर भागात मंगळवारी सकाळी घडली. मुलीने दिलेल्या तक्रारीवरून सदर पोलिसांनी मुलाविरुद्ध विनयभंगाचा गुन्हा दाखल केला. दोघेही अकरावीत शिकतात.

ठाणे: पोलिसांवर चौकीत हल्ला, तीन भावांना कारावास

कुख्यात मेश्राम स्थानबद्ध

नागपूर : पोलिस आयुक्त अमितेशकुमार यांनी जरीपटक्यातील कुख्यात गुंड अमोल ऊर्फ परल्या सिद्धार्थ मेश्राम (वय २६ ,रा. कुशीनगर) याच्याविरुद्ध एमपीडीएअंतर्गत कारवाई करून त्याला कारागृहात स्थानबद्ध केले. अमोल याच्याविरुद्ध मारहाण, ठार मारण्याची धमकी देणे आदींसह अनेक गुन्हे दाखल आहेत.

मुलगी बेपत्ता

नागपूर : जरीपटका भागात राहणारी १५ वर्षीय मुलगी बेपत्ता झाली. ५ मार्चला मुलगी घरून निघाली. घरी परतली नाही. नातेवाइकांनी शोध घेतला असता आढळून आली नाही. जरीपटका पोलिसांनी अपहरणाचा गुन्हा दाखल करून मुलीचा शोध सुरू केला आहे.