ग्लासमध्ये कमी दारू ओतली म्हणून मित्राची केली हत्या

नागपूर: ग्लासमध्ये कमी दारू दिल्यामुळे एकाने आपल्याच मित्राची दगडाने ठेचून हत्या केली. ही थरारक घटना बुधवारी रात्री ११.३० वाजताच्या सुमारास बेलतरोडीतील निरंजनगर येथे घडली.

अनिल सुखदेव मेश्राम (वय ३५, रा. बजरंगनगर, अजनी) असे आरोपीचे तर रामलखन सुखरू पाल (वय ४५, रा. निरंजननगर, ममता सोसायटी) असे मृताचे नाव आहे. पोलिसांनी खुनाचा गुन्हा दाखल करून अनिल याला अटक केली आहे. रामलखन मजुरी करायचा. अनिलही त्याच्यासोबत काम करायचा. बुधवारी रात्री दोघे दारू प्यायला बसले. रामलखन याने अनिलच्या पेल्यात कमी दारू टाकली. त्यामुळे अनिल संतापला. त्याने रामलखनसोबत वाद घातला. तो विकोपाला गेला. दोघांमध्ये हाणामारी झाली. अनिलने लाकडी दांड्याने रामलखनला मारहाण केली. दगडाने डोके ठेचून त्याची हत्या केली व पसार झाला. पहाटे ही घटना समोर आली. पोलिसांनी खुनाचा गुन्हा दाखल करून अनिलला अटक केली.

धक्कादायक; पुण्यात एकाच कुटुंबातील चौघांची गळफास लावून आत्महत्या

आत्महत्या करत असल्याचं फोनवरून कळवलं, अन् काही क्षणात...